15:24 14 Тогуздун айы 2019
Түз эфир
  • USD69.8106
  • EUR76.8580
  • RUB1.0870
Жогорку Кеңештин депутаты Исхак Пирматов

Пирматов: Бишкек — Ош каттамына билетти арзандатуунун бир эле жолу бар

© Sputnik / Табылды Кадырбеков
Коом
Кыскача шилтеме алуу
661 0 0

Кыргызстандын ичке каттамдарын ата мекендик Air Manas, TezJet жана AviaTraffic авиакомпанияларынын учактары тейлейт.

БИШКЕК, 19-окт. — Sputnik. Бишкек — Ош каттамына авиабилеттерди арзандатуунун бир эле жолу бар. Өкмөт ата мекендик компаниялардын салыгын азайытышы керек. Бул туурасында Жогорку Кеңештин депутаты Исхак Пирматов "КР учактары менен учуу кооптуубу? Коопсуздук жана авиабилеттердин баалары" аттуу тегерек столдо билдирди.

Анын айтымында, учурда өкмөт жеке менчик компанияларды мажбурлап билеттин наркын арзандаттыра албайт.

"Өкмөт кээ бир кыйыр салыктардан жеңилдик берип, ордуна бир келишим түзүшү керек. Билеттерди аздандатуунун башка жолу жок. Биз "инвестор, инвестор" деп көп эле айтбыз. Бирок эмнегедир инвесторду бир кап акча көтөрүп келген адам катары элестетебиз. Бизде ички инвесторлорго көңүл бурулбай жатат. Эмне үчүн алар капиталын чет жакка алып кетип объектилерди курушу керек. Ошолор деле өзүбүзгө жаңы самолетторду алып келип иштей алышат", — деди депутат.

Ошондой эле Пирматов бүгүнкү күндө коңшу Өзбекстан учактарынын орточо пайдалануудагы мөөнөтү 4-5 жылды түзүп, баары жапжаңы экенине токтолду. Буга мамлекет авиакомпанияларын салыктардан бошоткону себеп экенин айткан эл өкүлү аларды бийлик ар тараптан колдоп жатканын, Кыргызстан да ушундай ыкманы колдонсо болорун айтып өттү.

Белгилей кетсек, тегерек стол Sputnik Кыргызстан агенттигинин мультимедиалык борборунда өттү.

Тема боюнча

Бишкек — Ош каттамына билеттер 4000 сомдон жогору болбойт
Авиация агенттиги: президентке жаңы учак белекке берилсе жакшы болмок
Белгилер:
билет, аэропорт, учак, Исхак Пирматов

ЭҢ МААНИЛҮҮ