11:20 12 Бештин айы 2019
Түз эфир
  • USD69.8500
  • EUR77.4252
  • RUB1.0989
Жогорку Кеңештин экс-депутаты Өмүрбек Бабанов. Архив

Москвадагы мечиттин жанында намазга жыгылып жаткан Бабановдун видеосу

© Sputnik / Табылды Кадырбеков
Коом
Кыскача шилтеме алуу
1198661

Экс-депутат Конституциялык түзүлүштү күчкө салып өзгөртүүгө чакырык жасады жана Улуттук (этностор аралык), расалык, диний же регион аралык кастыкты козутту деп айыпталып, кылмыш иши козголгон.

БИШКЕК, 7-сен. — Sputnik. Жогорку Кеңештин экс-депутаты Өмүрбек Бабанов Москвадагы "Минская" метросунун жанындагы мечиттен жума намазын окуп, ал жакка келген кыргызстандыктар менен учурашканын Москвада иштеп жүргөн Талант Дайыров Sputnik Кыргызстан агенттигине билдирди.

Анын айтымында, Бабанов эч кандай жан сакчысы жок эле бир досу менен келген.

"Мечиттин жанындагы ачык жерге жай намазын жайып, намазын окуду. Жума намазга келген кыргызстандык балдар менен бир жарым сааттай сүйлөшүп туруп, баарыбыздын ден соолугубузду, ишибиздин кандай болуп жатканын сурады. Кыргызстанды сагынганын айтып, "жакында Кыргызстандан жолугуп калабыз" деди. Андан кийин бир машина келип ага түшүп кетти", — деди ал.

Белгилей кетсек, Башкы прокуратура депутат Өмүрбек Бабановго карата Конституциялык түзүлүштү күчкө салып өзгөртүүгө чакырык жасады жана Улуттук (этностор аралык), расалык, диний же регион аралык кастыкты козутту деген кине менен 2017-жылы 4-ноябрда кылмыш ишин козгогон. Кылмыш иши козголгон учурда ал өлкөдө болгон эмес. Кийин Жогорку Кеңештеги "Республика — Ата-Журт" фракциясынын лидерлигин өткөрүп берип, саясаттан эмнеге кеткенин түшүндүрүп берген.

Кыргызстандын Борбордук шайлоо комиссиясы быйыл 2018-жылы, 19-январда, Бабановду өз арызынын негизинде депутаттык мандатынан ажыраткан.

Экс-депутат ЖК Омурбек Бабанов и кыргызстанец Талант Дайыров в Москве
© Фото / Талант Дайыров
Экс-депутат ЖК Омурбек Бабанов и кыргызстанец Талант Дайыров в Москве

Буга чейин Улуттук коопсуздук мамлекеттик комитетинин расмий өкүлү Рахат Сулайманов "экс-депутатка издөө жарыяланганбы?" деген суроого ал өлкөдө жок экенин, "бирок тергөөнүн ага бир нече суроолору болорун" билдирген болчу.

Ал эми "Республика — Ата-Журт" фракциясынын депутаты Руслан Казакбаев болсо Өмүрбек Бабанов Россияда экенин айтып, ал жакта ден соолугун чыңдап жатканын маалымдаган.

Тема боюнча

Өмүрбек Бабанов Сооронбай Жээнбековго ыраазычылык билдирди
"Бийликти басып алууга даярдануу": Бабановдун иши өзүнчө каралууда
Белгилер:
жума намаз, мечит, кылмыш иши, Өмүрбек Бабанов, Россия, Москва

ЭҢ МААНИЛҮҮ