07:39 19 Аяк оона 2021
Түз эфир
  • USD84.7772
  • EUR99.8421
  • RUB1.1684
Коом
Кыскача шилтеме алуу
366 0 0

Өлкө башчы мындан бир ай мурун жарандык коомдун өкүлдөрү менен жолугуп, анда диний кырдаалга байланыштуу маселелер көтөрүлгөн.

БИШКЕК, 17-авг. — Sputnik. Президент Сооронбай Жээнбеков диний аалым Кадыр Маликовду кабыл алганын өлкө башчынын маалымат кызматы билдирди.

Жолугушууда мамлекеттик диний саясаттын артыкчылыктуу багыттары, мамлекет менен дин ортосундагы өз ара аракеттенишүү, ошондой эле диний сабаттуулуктун деңгээлин жогорулатуу жөнүндө пикир алмашуу болду. 

Теолог Кадыр Маликов
© Пресс-служба президента КР / Султан Досалиев
Президент Сооронбай Жээнбеков диний аалым Кадыр Маликовду кабыл алды

Эскерте кетсек, үстүбүздөгү жылдын 19-июлунда президент жарандык коомдун өкүлдөрү менен кезигип, анда теолог динге, бүгүнкү күндөгү кырдаалга байланыштуу бир катар маселелерди көтөргөн.

Жээнбеков диний чөйрөнү мамлекеттик жөнгө салуу өлкөнүн улуттук кызыкчылыктарына ылайык ишке ашырыларын баса белгиледи. Ал ошондой эле динге карата мамлекеттик саясат мындан ары да бардык конфессиялар үчүн бирдей шарттарды түзүүнүн, ошондой эле диний жана светтик маданияттардын гармониялуу түрдө тынчтыкта жанаша жашоосун камсыз кылуунун негизинде улана турганын белгиледи.

Жолугушууда исламдын позитивдүү дараметин социалдык чөйрөдөгү көйгөйлөрдү чечүүдө, коомдогу руханий жана адеп-ахлактык чөйрөнү жакшыртууда, кыргыз мамлекеттүүлүгүн өнүктүрүүдө жана бекемдөөдө пайдалануу зарылчылыгы белгиленди.

Тема боюнча

Маликов Кадыр Курманбекович. Өмүр баяны
Муфтий Максат ажы Токтомушев канча айлык аларын айтты
Белгилер:
Кадыр Маликов, Сооронбай Жээнбеков, дин

ЭҢ МААНИЛҮҮ