19:55 09 Бештин айы 2019
Түз эфир
  • USD69.8500
  • EUR77.2820
  • RUB1.0961
Жол кырсыгынан каза болгон Дүйнө сулуусу наамынын ээси Сания Шакирова. Архив

Сания Шакированын апасы айдоочудан 4 млн. сом талап кылууда

© Фото / Айжан Нурланбекова
Коом
Кыскача шилтеме алуу
"Дүйнө сулуусу" Сания Шакирова каза болду (18)
785 0 0

Алгачкы сот отуруму кечээ, 15-августта, Чолпон-Ата шаарындагы Ысык-Көл облустук сотунда болгон.

БИШКЕК, 16-авг. — Sputnik. "Дүйнө сулуусу" наамынын ээси Сания Шакирова каза болгон жол кырсыкка күнөөлөнүп жаткан айдоочуну 4 миллион сомдук доого жыгуу боюнча сунуш берилди. Бул туурасында Sputnik Кыргызстан маалымат агенттигине маркумдун энеси Насиба Мамбеталиева билдирди.

Алгачкы сот отуруму кечээ, 15-августта, Чолпон-Ата шаарындагы Ысык-Көл облустук сотунда болгон.

Мамбеталиеванын айтымында, алар айыпталып жаткан тарапты акчалай айыпка жыгууда.

"Кызым каза болгондон кийин үч баласын мен камкордукка алгам. Балдары менен өзүмдү кошуп, жабырлануучу катары доо арыз бердик. Сот сунушту кабыл алды, чечимин күтүп жатабыз", — деди Мамбеталиева.

Ошондой эле кечээки сотто окуянын күбөлөрү катары тез жардам кызматынын өкүлдөрү суракка алынган болчу.

Эске салсак, 3-июндун түнүндө Ысык-Көлдүн Чок-Тал айылында айдоочу рулду башкара албай автоунаа мүрзөнү барып сүзүп, ичиндеги Сания Шакирова каза болгон.

Айдоочунун кырсык болгон учурда мас экени аныкталып, эки айга камакка алынган.

Ал эми Ички иштер министрлиги унаанын айдоочусу ИИМдин Атайылаштырылган коргоо кызматынын башкы башкармалыгынын Октябрь району боюнча мурдагы жетекчиси Азрет Кондубаевдин уулу экенин да тастыктаган.

Учурда айдоочу үй камагына чыгарылып, буга Шакированын апасы нааразычылыгын билдирген.

Белгилей кетсек, Сания Шакирова үстүбүздөгү жылдын апрель айында Miss Universe Beauty-2018 (Аалам чүрөгү-2018) эл аралык сынагында Missis World (Дүйнөнүн сулуу айымы) наамын жеңип алган. Ал 30 жашта эле, артында үч баласы калды.

Тема:
"Дүйнө сулуусу" Сания Шакирова каза болду (18)

Тема боюнча

Сания Шакированын өлүмү боюнча биринчи сот кандай өткөнүн энеси айтып берди
Сания Шакированын апасы Насиба: акыйкаттык издеп президентке кат жолдодум
Белгилер:
өлүм, сот, Насиба Мамбеталиева, Сания Шакирова

ЭҢ МААНИЛҮҮ