Бөйрөгү ооругандар үчүн дары алуу боюнча өткөн тендердин жыйынтыгы текшерилет

© Sputnik / Алексей Панов / Медиабанкка өтүүДары-дармектер. Архив
Дары-дармектер. Архив - Sputnik Кыргызстан
Жазылуу
Министр бейтаптар менен жолугуп, көйгөйлөрүн укту.

БИШКЕК, 2-авг. — Sputnik. Саламаттык сактоо министрлиги бөйрөгү ооругандар үчүн дары алуу боюнча өткөн тендердин жыйынтыгын текшерет. Бул тууралуу мекеменин маалымат кызматы билдирди.

Онкологиялык илдеттерди дарылоочу аппарат. Архив - Sputnik Кыргызстан
Дарыланууга 1,5 миллион сарптадым! Кыргызстандык бейтаптын санаасы
Ага ылайык, саламаттык сактоо министри Космосбек Чолпонбаев 1-августта гемодиализ алган бейтаптардын аз кандуулугун дарылоо үчүн дары сатып алуу боюнча өткөн тендердин жыйынтыгын жокко чыгарууну талап кылып жаткан бейтаптар менен жолукту.

Министр менен жолугушууда алар мамлекеттик саламаттык сактоо мекемелериндеги гемодиализдин сапаты начар экенин айтышты. Башка мамлекеттерде гемодиализ менен 25-30 жыл жашаса, Кыргызстанда болгону 7-8 жыл жашай турганын белгилешти.

Бейтаптардын айтымында, учурда аларга рекормон дарысынын ордуна чала изилденген репоитин дарысын алуу таңууланып жатышат. Бул дарыны сатып алуу боюнча тендер дагы өткөрүлгөн.

Өз кезегинде министр бул жерде бейтаптардын эле тагдыры эмес, тендердик комиссиянын да тагдыры чечилип жатканын билдирди.

"Министрликтин милдети — бейтаптарды сапаттуу гемодиализ менен камсыздоо. Эгер кандайдыр бир оюндар болуп жаткан болсо биз анын курмандыгы болбошубуз керек. Атайын комиссия түзүп абалды бардык жагынан карап чыгабыз. Дүйнөлүк саламаттык сактоо уюмунун маалымат сураттырып, эгер зарыл болсо тендерди кайрадан өткөрөбүз. Биздин рынокто канча көп компания болсо гемодиализдин кызматы да ошончо арзандайт деп ойлойм", — деди министр.

Саламаттык сактоо министрлигине күн сайын жаңы арыздар түшүп жатат. Учурда жеңилдетилген гемодиализ алуу үчүн 33 киши кезекте турганы айтылды.

КР өкмөтүнүн 17-майдагы буйругуна ылайык, милдеттүү медициналык камсыздандыруу фондусу аркылуу бейтаптарды жеңилдетилген дарылоо үчүн кошумча 68 миллион сом бөлүнгөн.

Учурда жеңилдетилген гемодиализди 1171 киши алат. Бул кызматты мамлекеттик 10 жана жеке 13 уюм көрсөтөт.

Жаңылыктар түрмөгү
0