02:40 23 Теке 2018
Түз эфир
  • USD68.2377
  • EUR79.4389
  • RUB1.0748
Ноутбукта иштеген адамдар. Архивдик сүрөт

Кыргызстанда кылмыштарды электрондук китепке каттоо долбоору иштелип чыкты

© Пресс-служба правительства / Сабыр Аильчиев
Коом
Кыскача шилтеме алуу
59 0 0

Вице-премьер Жеңиш Разаков ушул айда электрондук китепти Бишкек шаарына пилоттук негизде киргизүүнү тапшырды.

БИШКЕК, 5-июл. — Sputnik. Кыргызстанда кылмыштарды каттоонун электрондук китебин киргизүү үчүн программалык камсыздоо иштелип чыкты. Бул тууралуу өкмөттөн кабарлашты.

Билдирмеге караганда, вице-премьер Жеңиш Разаков аталган долбоорду ишке ашыруу максатында жумушчу кеңешме өткөргөн.

Анын жүрүшүндө Башкы прокуратуранын өкүлдөрү "Кылмыштарды каттоонун электрондук китеби" программалык камсыздоосунун сынамык версиясын сунуштаган.

"Кылмыштарды каттоонун электрондук китебин" бардык укук коргоо органдарына, ошондой эле прокуратура жана сотторго киргизүү күтүлүүдө.

Тутумдун башкы өзгөчөлүгү — арыз ээсинин реалдуу багытта тутумдун QR-коду менен сканирлөө аркылуу өзүнүн арызынын статусун көзөмөлдөө мүмкүнчүлүгүн берет.

Кылмыштарды каттоонун электрондук китеби 2019-жылдын 1-январынан тарта күчүнө кирген жаңы Кылмыш жаза кодексинин жана Жоруктар жөнүндө кодексинин алкагындагы кылмыштардын жана жоруктардын бирдиктүү реестрин киргизүүнүн биринчи баскычы болуп саналат.

Кеңешмени жыйынтыктаган вице-премьер Разаков ушул айда электрондук китепти Бишкек шаарында пилоттук негизде киргизүүнү тапшырып, бул багытта кызыкдар бардык мамлекеттик органдардын аракеттерин координациялоо зарылдыгын көрсөттү.

Тема боюнча

Прокуратура Балыкчы — Корумду жолун салууда миллиондор желгенин айтты. Чоо-жайы
Аялын күрөк менен башка чаап, сөөгүн кыкка көөмп салган. Июндагы соттук чечимдер
Белгилер:
кылмыш, каттоо, электрондук китепкана, өкмөт, Кыргызстан
Колдонуу эрежелериПикирлер

ЭҢ МААНИЛҮҮ