03:05 27 Кулжа 2019
Түз эфир
  • USD69.5988
  • EUR79.0503
  • RUB1.1081
Кыргызстандык үч окуучу Өзбекстандын Самарканд шаарында өткөн Мирзо Улугбек атындагы эл аралык олимпиададан үч медаль утушту

Кыргызстандык окуучулар астрономия жана физика олимпиадасынан үч медаль утту

© Фото / сайт Министерства народного образования республики Узбекистан
Коом
Кыскача шилтеме алуу
32610

Эл аралык олимпиадага жети мамлекеттин окуучулары катышкан.

БИШКЕК, 26-июн. — Sputnik. Кыргызстандык үч окуучу Өзбекстандын Самарканд шаарында өткөн Мирзо Улугбек атындагы эл аралык олимпиададан үч медаль утушту. Бул туурасында коңшу өлкөнүн Элдик билим берүү министрлигинин сайтында маалымдалат.

1 / 2
Кыргызстандык үч окуучу Өзбекстандын Самарканд шаарында өткөн Мирзо Улугбек атындагы эл аралык олимпиададан үч медаль утушту

Аталган олимпиада астрономия жана физика сабактары боюнча 19-23-июнь күндөрү болуп өттү. Анда Кыргызстан, Өзбекстан, Казакстан, Россия, Белоруссия, Япония жана Түркмөнстандан барган 10-11-класстын 45 окуучусу күч сынашкан.

Астрономиядан Бишкектеги №61 Автордук физика-математикалык мектеп-лицейи окуу комплексинин 11-классынын бүтүрүүчүсү Ырыскелди Анарбеков алтын медалга ээ болгон.

Ал эми физикадан Хусейин Карасаев атындагы Ысык-Көл лицейинде 10-класста окуган Тимур Тынычбеков күмүш, Аксы районунун Жоробек Маматбеков атындагы орто мектебинин 11-классынын окуучусу Эрназар Сыдыков коло медаль утуп кайткан. Жалпы жонунан Кыргызстандан 6 окуучу катышкан.

Олимпиада өзбекстандык белгилүү окумуштуу Мирзо Улугбектин атынан негизделип, быйыл биринчи жолу өтүп жатат. Бул президент Шавкат Мирзиёевдин демилгеси менен уюштуруулуда. Мындан ары 10-11-класстар арасында ар эки жыл сайын өтүп турмакчы. Алдыңкы орунду ээлегендерге медаль жана атайын белектерден сырткары, Өзбекстандын жогорку окуу жайларында окууга жеңилдиктер берилет.

Тема боюнча

Шубин атындагы окуу жайдын үч окуучусу Алматыдан баш байге алышты. Сүрөт
Белгилер:
окуучулар, олимпиада, медаль, билим, Самарканд

ЭҢ МААНИЛҮҮ