БИШКЕК, 23-июн. — Sputnik. Учурда Манас проспектисинин Токтогул көчөсүнөн Чүй проспектисине чейинки бөлүгү оңдолуп жаткандыктан Бишкектин дал борбору менен жүргөн 25 маршрутканын каттамынын жолу өзгөрдү. Бул туурасында Капиталдык курулуш башкармалыгына таянуу менен мэрия билдирди.
№136, 139, 143, 199, 219, 225, 107 маршруткалар үч көчөдө башка жолдор менен жүрө турган болду. Тагыраагы, Чүй проспектиси, Киев жана Турусбеков көчөлөрү менен жүргөн багыты өзгөрдү.
№150, 188 маршруттук каттамдар Манас проспектиси, Чүй, Исанов көчөлөрү аркылуу жүрөт да, андан ары өзүнүн мурдагы багыты менен кетет.
№167, 262 каттамдагы кичи автобустар Манас, Москва жана Тоголок Молдо менен кетет, ал эми артка кайтканда Манас, Чүй, Исанов, Токтогулга түшөт да, андан ары мурункудай эле жолун улайт.
№192 маршрутка түндүк тарапка баратса Киев, Тоголок Молдо менен кетет, ал эми артка кайтып келе жатканда баштапкы багытын бузбайт.
№203, 216 Манас проспектиси Москва, Тоголок Молдо көчөлөрүн аралап кетет да, артка кайтканда Исанов, Токтогул менен Манастын кесип өтөт.
№220 Чүй менен түптүз жүрөт.
№222 чыгышка тарапка баратса, ал эми №186, 170 эки тарапка тең Киев, Исанов, Токтогул менен жүрөт.
№223 маршруттук каттам Москва, Тоголок Молдо жана Чүй проспектилери менен жүрөт да, артка кайтканда Турусбеков, Москва жана Манас проспектиси менен кетет.
№243 Чүй, Жаш Гвардия жана Киев аркылуу жүрөт.
№200 каттам түштүктү көздөй Турусбеков, Москва көчөсү жана Манас пропектиси менен барса, артка кайканда каттам өзгөрбөйт.
Кыргызстандын борборунда катары менен одолуп жаткан жолдордун сапаты шектенүүнү жаратып жаткан учурлар да бар.
