10:37 20 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Москвада жолдун четиндеги элди койдуруп алган кыргызстандык таксист Чыңгыз Анарбек уулу

Элчилик Чыңгыз Анарбек уулуна чыккан өкүм боюнча шаардык сотко даттанат

© Фото / АГН "Москва" / Сергей Ведяшкин
Коом
Кыскача шилтеме алуу
Москвада кырсыктаган кыргызстандык таксист (24)
1776 0 0

Кечээ райондук сот кыргызстандык таксистти эки айга камоо чечимин чыгарган.

БИШКЕК, 19-июн. — Sputnik. Кыргызстандын Россиядагы элчилиги Москвада жолдун четиндеги элди койдуруп алган кыргызстандык таксист Чыңгыз Анарбек уулуна карата райондук соттун чыгарган чечими боюнча шаардык сотко доо арызын жиберет. Бул туурасында элчиликтин маалымат кызматынан билдиришти.

Белгилей кетсек, кечээ, 18-майда, Москванын Таган райондук сотунда Анарбек уулунун баш коргоо чарасы каралып, аны эки айга тергөө абагында кармоо чечимин чыгарган.

"Кыргызстандык жаранды элчиликтин юристи Мирбек Токтошев жана адвокат Павел Березин жактап жатат. Учурда документтер даярдалууда, жакынкы күндөрү элчиликтин атынан шаардык сотко кат жолдойбуз", — деп айтылат маалыматта.

Москвадагы кыргыз диаспорасынын "Кыргыз биримдиги"  коомунун төрагасынын орун басары Улан Кошматов адвокат Березинди алардын коому сүйлөшүп алып келгенин билдирди. 

Анын айтымында, Березин буга чейинки соттук иштерде да кыргыз мигранттарын жактап келген. Ал мурда өзгөчө маанилүү иштер боюнча тергөөчү, прокурор болуп иштеген тажрыйбалуу адвокат экени айтылат.

Кечээ сотто жактоочулар РФтин Кылмыш кодекси боюнча эгерде адам өмүрүнө катуу зыян келбесе, кылмыш иши козголбой тургандыгын айткан.

Алардын пикиринде, кармалган жаран административдик тартипте жаза алышы керек. Аны камакка алуунун кереги жок. Эгерде үй камагына алынса, элчилик аны убактылуу баш калкалоочу жай менен камсыз кылууга даяр.

Бирок тергөөчүлөр кыргызстандык жаран тергөө абагына киргизилбесе, ал чет өлкөгө качып кетиши мүмкүн деген жүйө келтирген. Анарбек уулу окуя болгон учурда "топтолгондор аны өлтүрүп коет" деп корккондуктан, качып кетүүгө аракет кылганын түшүндүргөн.

РФтин Кылмыш кодекси боюнча кыргызстандык жаран эки жылга камалып жана айдоочулук күбөлүктөн ажыратылышы мүмкүн.

Тема:
Москвада кырсыктаган кыргызстандык таксист (24)

Тема боюнча

Путиндин маалымат катчысы Москвада күйөрмандарды койдуруп кеткен окуя боюнча үн катты
Чыңгыз, көтөр башты! Мигранттын окуясы шоу-бизнестен бийликке чейин түйшөлттү
Москвада кишилерди койдуруп кеткен кыргызстандык жаран эки айга камакка алынды
Белгилер:
даттануу, элчилик, сот, Чыңгыз Анарбек уулу

ЭҢ МААНИЛҮҮ