01:08 24 Аяк оона 2018
Түз эфир
  • USD68.8080
  • EUR81.1487
  • RUB1.0386
Ош шаарындагы Сулайман-Тоонун күңгөй тарабы жамгырлатып сугарылып, 13-июнь күнү буга чейин орнотулган түтүктөр алгачкы жолу иштеди

Ош: Сулайман-Тоону жамгырлатып сугаруу үчүн 162 түтүк орнотулду

© Sputnik / Зульфия Тургунова
Коом
Кыскача шилтеме алуу
56310

Аталган тоонун тескей тарабына да аталган түткүтөрдү орнотуу иши улантылууда.

ОШ, 14-июн. – Sputnik. Ош шаарындагы Сулайман-Тоонун күңгөй тарабы жамгырлатып сугарылып, 13-июнь күнү буга чейин орнотулган түтүктөр алгачкы жолу иштеди. Бул тууралуу демилгенин автору "Ошпроектстрой" ишканасынын өкүлү Мухаммед Кааров Sputnik Кыргызстан агенттигине билдирди.

  • Ош шаарындагы Сулайман-Тоонун күңгөй тарабы жамгырлатып сугарылып, 13-июнь күнү буга чейин орнотулган түтүктөр алгачкы жолу иштеди
    Ош шаарындагы Сулайман-Тоонун күңгөй тарабы жамгырлатып сугарылып, 13-июнь күнү буга чейин орнотулган түтүктөр алгачкы жолу иштеди
    © Sputnik / Зульфия Тургунова
  • Эми мындан ары аталган тоонун күңгөй тарабындагы 8 гектар жердеги бак-дарактар тамчылатуу жолу менен сугарылып турат
    Эми мындан ары аталган тоонун күңгөй тарабындагы 8 гектар жердеги бак-дарактар тамчылатуу жолу менен сугарылып турат
    © Sputnik / Зульфия Тургунова
  • Бул ыкма сууну 60 пайызга үнөмдөйт.
    Бул ыкма сууну 60 пайызга үнөмдөйт.
    © Sputnik / Зульфия Тургунова
1 / 3
© Sputnik / Зульфия Тургунова
Ош шаарындагы Сулайман-Тоонун күңгөй тарабы жамгырлатып сугарылып, 13-июнь күнү буга чейин орнотулган түтүктөр алгачкы жолу иштеди

Анын айтымында, эми мындан ары аталган тоонун күңгөй тарабындагы 8 гектар жердеги бак-дарактар тамчылатуу жолу менен сугарылып турат.

"Бул демилге "Ошпроектстрой" ишканасы аркылуу көтөрүлүп, аны "Улар транс" курулуш ишканасы ишке ашырды. Учурда 8 гектар аянт жерге 162 даана түтүк орнотулду. Ага республикалык бюджеттин эсебинен 6 миллион сом акча бөлүндү. Бир учурда 162 түтүктүн баарын иштетүүгө болбойт. 5 түтүк иштетилип, ал 25 метрден 35 метрге чейинки аралыкка сууну чачыратып жер менен кошо бак-дарактар сугарылат. Түтүктөр бир саат бою иштейт. Андан соң башка беш түтүктү иштете баштайбыз", — деди Кааров.

Ал сугаруунун мындай ыкмасы буга чейин чет өлкөдө колдонулуп келген болсо, эми Кыргызстанда да иштей баштагандыгына токтолду. Бул ыкма сууну 60 пайызга үнөмдөйт.

"Мында атайын түтүктүн жардамы менен өсүмдүккө жана жерге суу жамгырдай чачыратылат. Каптатып сугарууга караганда жамгырлатып сугаруу көп артыкчылыкка ээ. Топурак жана өсүмдүктүн нымдуулугу жакшырып, температурасы төмөндөйт, өсүмдүк жалбырагындагы чаң жуулуп, дем алуусу, сиңириши жакшырат, органикалык заттар көп топтолот. Топуракка ным тез тарайт. Эң башкысы жайкысын Сулайман-Тоону өрт кырсыктарынан сактайт", — деди Кааров.

Ал бул демилгенин экинчи этабы тоонун тескей тарабында улантылып, 7 гектар жерге суу жамгырлатуучу түтүктөр орнотула тургандыгын кошумчалады.

Эске сала кетсек, Сулайман-Тоонун жалпы аянты 79 гектарды түзөт.

Белгилер:
сугаруу, Сулайман тоо
Колдонуу эрежелериПикирлер

ЭҢ МААНИЛҮҮ