00:10 20 Аяк оона 2019
Түз эфир
  • USD69.8488
  • EUR77.2458
  • RUB1.0877
Телефондо сүйлөшкөн атминер. Архивдик сүрөт

Талап кылганды эле билесиңер! Депутаттар кыжырды кайнатканда

© Sputnik / Владимир Федоренко
Коом
Кыскача шилтеме алуу
Кыжырды кайнаткандар (57)
71810

Депутаттар ар дайым көпчүлүктүн көңүл борборунда. Коомчулук алардын сүйлөгөн сөзүнө, баскан-турганына чейин байкап, сындап турат эмеспи.

Бийликтин бир бутагы деп эсептелген эл өкүлдөрү башкаларга үлгү болсо жакшы. Бирок айрым учурда алардын аша чаап кеткен жактары элдин кыжырын келтирбей койбойт.

Sputnik Кыргызстан агенттиги калаа тургундарынан депутаттар кайсы учурда кыжырын келтирерин сураштырып көрдү.

Оозуна алы келбегендер. Оозуна келгенди оттой берген эл өкүлдөрү адамдын кыжырын кайнатпай койбойт. Трибунада туруп алып эркектери аялдардан, аялдары эркектерден бешбетер айтышып, ойду-тоону сүйлөгөндө Жогорку Кеңешке кокустан келип калганбы деген ой келет. Бийликтин адамдары болгондон кийин этика дегенди сакташ керек да.

Сөзү менен жасаганы дал келбегендер. Сүйлөп жатканда көп нерсени убадалап, бирок ишке келгенде анын бирин да аткарбаган депутаттар аман эле болсун. Талап кылганды эле билишет. Камералар тартып жатса эл көзүнө эр көрүнөйүн деп ойлошот окшойт.

ЖМКга чыкканды сүйгөндөр. Булар жок парламенттин жыйыны кызык болбой калат. Оюна койсо жыйын бүткүчө сүйлөй турган түрлөрү бар. Айла жок, убакыт чектелүү да. Теле, радиого маек берип, гезит бетинен түшпөгөн да ушулар. Депутаттын ачык-айрым болгону жакшы деңизчи, бирок өтө эле аша чаап кеткенде үнүн уккуң келбей калат. Кээ бирлери айтарга сөзү түгөнүп калганда "теледен мурдумду кызыл кылып көрсөттүңөр" деп чыгат экен, тобо!

Эт менен челдин ортосундагылар. Айрым депутаттар жыйындарга жөн гана караанын көрсөтүш үчүн келет. Анда-санда түшүнөн чочуган немедей сүйлөп калганы болбосо, анын бар же жок экенин байкабай деле каласың. Анда да олутту нерсени сүйлөсө бир жөн, "талкууларды токтотуп, эртерээк добушка койбойлубу же танаписке чыгып келип, анан уланталы" дегенде биротоло Ак үйдөн чыгарып ийгиң келет. Көрүнбөсө деле мейли, жок дегенде иш бөлмөсүндө иштейт болду бекен.

Менменсингендер. Булардын түшүнүгү боюнча депутат кычырап костюм-шым кийип эле жүрсө. Эл менен аралашып, коомдук унааларга отургулары келбейт. Чыныгы депутат эл аралап жөө басып, өлкө кандай жашап жатканын жакшылап билиши керек да. Аларды эл шайлаганы менен иши жок, асмандан түшкөн немедей сүйлөгөндө каның кайнап кетет го. Анан да "көчөгө чыкканда эл бизди тааныбай шылдың болуп жатабыз, унаабызга өзгөчө номер кадап алалы" деп трибунадан кыйкырганда сыналгыны өчүргүчө шашасың.

Тема:
Кыжырды кайнаткандар (57)

Тема боюнча

Кайра өзүңдү уялтат. Карыз алгандар кыжырды кайнатканда
Дасторкондо бир нерсе калсын! Тойдогулар кыжырды кайнатканда
Белгилер:
депутат, парламент, Кыргызстан

ЭҢ МААНИЛҮҮ