11:57 23 Аяк оона 2021
Түз эфир
  • USD84.8000
  • EUR99.5001
  • RUB1.1635
Коом
Кыскача шилтеме алуу
268 0 0

Былтыр май айында узундугу 141,2 метр, туурасы 5 метр болгон көпүрөнүн ортоңку тирөөчү чөгүп, авариялык абалга кептелген.

БИШКЕК, 26-май — Sputnik. Нарын облусунун Ак-Талаа районунда урап калып, кайра оңдолуп жаткан көпүрөдө курулуш иштери токтоп турган видеону Sputnik Кыргызстан агенттигинин WhatsApp каналы аркылуу күбө жиберди.

Анын айтымында, бул кадрлар бүгүн, 26-майда, Ак-Тал-Чат — Казарман жолунда тартылып алынган.

Видеодон курулуш иштери бүтө элек көпүрөдөн жөө адамдар өтүп жатканын, бирок куруучулар жок экенин көрүүгө болот.

Мындан улам редакция Транспорт жана жолдор министрлигинин алдындагы Жолдорду оңдоо жана куруу башкармалыгынын жетекчиси Сыргаболот Кожобергеновго кайрылды.

Анын түшүндүргөнүнө караганда, курулуш иштеринин кармалып калышына каналдагы суунун көтөрүлүшү себеп болгон.

"Айдын башында жолду толугу менен жаап туруп, оңдоо иштерин жүргүзөлү десек, райондун акими май майрамдары өтсүн деп суранган. Ошентип иш болжол менен 10 күнгө токтоп калып, биздин убактылуу койгон дамбаларды көтөрүлгөн суу алып кеткен. Кийин аны калыбына келтирүүгө 2-3 күн кетип калды. Азыр жумушчулар арматураны токуп жатышат. Алар төшөлгөндөн кийин бетон куюлат. Эч ким бекер отурган жок, иш жүрүп жаат. Каражат бөлүнгөн", — деди Кожобергенов.

Жетекчи кошумчалагандай, жумушчулар көпүрөнү колдонууга 15-июнга чейин берүүгө аракет кылып жатат.

Эскерте кетсек, 13-майда Нарын дарыясынын деңгээли көтөрүлүп Ак-Талчат — Казарман унаа жолундагы урап калган көпүрөнүн курулуш иштери бүтпөгөндүктөн төрт айылдын эли райондун борбору менен байланыша албай калган.

Былтыр май айында узундугу 141,2 метр, туурасы 5 метр болгон көпүрөнүн ортоңку тирөөчү чөгүп, авариялык абалга кептелген. Мындан улам көпүрөнүн 44,3 метр жери оңдоого муктаж эле. Аны калыбына келтирүү үчүн Транспорт жана жолдор министрлиги тендер жарыялап, сынакты "Кербен жол курулуш" ААКсы 42 миллион 858,8 миң сом сунуштап утуп алган. Бирок ал компания милдеттерин аткарбагандыктан, келишим бир тараптуу бузулган.

Кийин көпүрөнү оңдоо иштерин министрлик кайрадан колго алып, башка компания менен иштеше баштаган.

Тема боюнча

Ак-Талаада көпүрө урап, балдарын көтөргөн эл Нарын дарыясын кечип өтүүдө. Видео
Белгилер:
Ак-Талаа району, көпүрө, реконструкция

ЭҢ МААНИЛҮҮ