12:16 02 Чын Куран 2020
Түз эфир
  • USD82.2000
  • EUR90.0665
  • RUB1.0389
Коом
Кыскача шилтеме алуу
68401

Чек арачылар эми камера менен жүрө турган болду.

БАТКЕН, 23-май — Sputnik. Кыргызстандын Баткен облусунун Тажикстан менен чектешкен аймагында ар бир аракет мындан ары эми видео каттагычка түшүрүлөт. Анткени чек ара аймагындагы талаш-тартыштуу учурлар, чырлуу маселелердин баары териштирүү учурунда далил менен болуусу үчүн эл аралык уюмдар чек ара кызматкерлерине видео техника берди.

Баткен облустук чек ара башкармалыгынын башчысынын биринчи орун басары Кыялбек Төлөнбаевдин айтымында, чек арада чыр-чатак катталган учурда кайсы тараптан тартип бузуу катталганын аныктоо кыйынга туруп келген. Эми видео каттагычтар тастыктап берет.

"Жыл башынан бери кыргыз-тажик чек арасында эки ирет чыр катталды. Анда кайсы тарап чек ара тартибин бузгандыгын аныктоо кыйынга турчу. Ал эл аралык уюм тарабынан келген 77 даана чакан видео камераны кыргыз-тажик чек арачыларына беребиз", — деди Төлөнбаев.

Кыргыз-тажик чек арасы 970 чакырым. Ал 450 чакырым тилке тактала элек болгондуктан, чыр аталган аймакта көп чыгып турарын кошумчалады.

Өткөн жылы Баткен облусу менен Согди облусунун чектешкен аймагында чек ара тартибин бузган 10, быйыл жыл башынан бери эки учур катталды.

Буга чейин Кыргыз-өзбек "Достук" көзөмөл өткөрүү бекетиндеги чек арачылар видеокаттагыч менен камсыз болгон.

Баткендеги кыргыз-тажик чек арасында соңку жаңжал 12-майда катталган.

Тема боюнча

Кыргызстандын чек арачыларынын төшүнө видео каттагыч тагыла баштады
Баткен: тажик аскерлери Кыргызстандын аймагына келип жай тургундар менен чырдашты
Белгилер:
камера, видео, кыргыз-тажик чек арасы, Баткен, Тажикстан, Кыргызстан

ЭҢ МААНИЛҮҮ