БИШКЕК, 28-апр. — Sputnik. Бишкекте Фергана өрөөнүндө өндүрүлгөн жашылча-жемиштерди экспорттоо маселеси талкууланат. Бул тууралуу өлкөнүн Соода-өнөр жай палатасынан билдиришти.
Маалыматка ылайык, айыл чарба багытындагы бизнес-форум 12-13-май күндөрү Бишкек шаарында өтөт. Анда дыйкандардын продукциясын ташуу, сатуу жана аймактык кызматташуу маселелери талкууланат.
Кыргызстан тарап уюштуруп жаткан иш-чарага Өзбекстан менен Тажикстандын мамлекеттик органдары жана ишкерлер катышат. Андан сырткары, Россия, Казакстан, Индия, Кытай, Монголиядагы ири соода түйүндөрүнүн өкүлдөрү келет.
