БИШКЕК, 20-мар. — Sputnik. Шаршемби күнү өлкө аймагында жаан-чачын болбойт. Бул туурасында Кыргызгидромет билдирди.
Кыргызстанда түнкү температура 6-9 градуска жетет. Күндүз термометр +12…+18ди, ал эми түштүк аймакта +20 градусту көрсөтөт.
Ноорузда күн жылуу болуп, Чүй, Талас, Ош, Жалал-Абад жана Баткенде 21…26 градус, Ысык-Көл менен Нарында 9…14 градус нөлдөн жогору болот.
Майрам күнү борбор калаа менен Ош шаарында күн чайыттай ачылып, температура 23…25 градуска чейин көтөрүлөт.
