08:11 20 Кулжа 2018
Түз эфир
  • USD68.3208
  • EUR78.9344
  • RUB1.0664
Көрүстөн. Архивдик сүрөт

Белгилүү актер Ашыр Чокубаевдин сөөгү жерге берилди

© Sputnik / Олег Ласточкин
Коом
Кыскача шилтеме алуу
188 0 0

Кыргыз эл артисти "Ала-Арча" көрүстөнүнө коюлду

БИШКЕК, 13-мар. — Sputnik. Кыргыз эл артисти Ашыр Чокубаевдин сөөгү "Ала-Арча" көрүстөнүндө жерге берилди.

Эскерте кетсек, белгилүү актер 11-март күнү 71 жашында узак оорудан улам каза тапкан.

Маркумду акыркы сапарга узатуу зыйнаты Токтоболот Абдымомунов атындагы кыргыз улуттук драма театрында өтүп, ага ЖК депутаттары, өкмөт мүчөлөрү, коомдук ишмерлер келишти. 

Чокубаев Төлөмүш Океевдин "Ак илбирстин тукуму", Тынчылык Разаковдун "Нокдаун" сыяктуу белгилүү фильмдеринде роль жараткан. Анын катышуусу менен тартылган Алексей Студинскийдин "Парижге жол" жана Леонид Осыканын "Захар бүркүт" тасмалары советтик жана улуттук кинонун Алтын фондусуна кирген.

Актер сахнада да көптөгөн мыкты образдарды жаратты. Алсак, "Эзоп", "Саманчынын жолу", "Ромео жана Джульетта", "Азоого чалма", "Ар бир үйдө майрам", "Бий мугалими", "Жыгылган оогонго күлөт" спектаклдериндеги жараткан образдары көрүүчүлөрдүн эсинде калды.

Чокубаев акыркы жылдарда катышкан эң ири долбоор режиссер Садык Шер-Нияздын "Курманжан датка" тасмасы болгон.

Актер коңшу Казакстанда дагы "Китеп", "Көчмөндөр", "Жамбыл" сыяктуу тасмаларда роль жараткан.

Тема боюнча

Эл артисти Ашыр Чокубаев дүйнө салды
Акын Кармышак Ташбаев дүйнө салды
Белгилер:
роль, кино, Ашыр Чокубаев, Ала-Арча көрүстөнү
Колдонуу эрежелериПикирлер

ЭҢ МААНИЛҮҮ