Бишкектеги маршруткадан кыздарга асылгандар. Жүргүнчү кыздын баяны

© AFP / JIM WATSONКыздын белинен кармап турган адам. Архив
Кыздын белинен кармап турган адам. Архив - Sputnik Кыргызстан
Жазылуу
Окурман Sputnik Кыргызстан агенттигине маршруткадан эркек киши ага асылганын айтып кайрылды. Анын айтымында, курбу кыздары дагы коомдук транспорттон ушундай көрүнүштөргө туш болгон. Ал эми Бишкектин ички иштер башкы башкармалыгы адепсиз жорукка баргандарга кандай жаза караларын айта алган жок.

БИШКЕК, 6-мар. — Sputnik. Бишкектик кыз маршруттук таксиден ага эркек киши асылганын айтып Sputnik Кыргызстан агенттигине кайрылды.

Анын айтымында, окуя 3-март күнү, саат 07.30дар чамасында №169 маршруткада болгон. Эл толгон транспортто жумушка бараткан селкиге бир маалда анын жанында турган узун бойлуу 30-35 жаш чамасындагы киши башкача кыймылдарды жасай баштаган.

"Ал бат-баттан дем ала баштады. Алгач салмактуу киши кыйналып жатса керек деп эле ойлоп койдум. Бир маалда бирөө мени белимден кармап, өзүнө тарткандай болду. Акырын артты карасам тиги киши сол колу менен шымынын сыдырмасын чечейин дедиби, билбейм, бир нерсе эле кылып жатты. Пакет жаап алганынан жакшы көрө албай койдум", — деди ал.

Жүргүнчү кыз ызы-чуу салбастан маршруткадан түшүп, башка транспортко отуруп кеткенин билдирди. Ал ошондой эле бул биринчи жолку окуя эместигин кошумчалады.

"Кесиптештерим жана курбуларым менен баарлашсам, алар дагы ушундай окуяга туш болгонун айтышты. Мисалы маршруткада эл аз болуп турса деле жаш жигиттер аларга жармашып, сүйкөнгөн учурлар болгон экен", — деди маектеш.

Празднование нового года в Бишкеке - Sputnik Кыргызстан
Жаактан ары чапкым келет! Маршруткага түшкөндө "өнөрүңөрдү" үйгө таштай келгилечи
Жаран бул боюнча милицияга арыз жазып кайрылган эмес. Ал эми Бишкектин ички иштер башкы башкармалыгы коомдук транспорттон кыздарга асылгандарга кандай жаза каралганын айта алган жок.

Юрист Владимир Плужник мындай аракеттер Кылмыш жаза кодексинин 130-беренесине (сексуалдык мүнөздөгү зомбулук аракеттери) туура келбей турганын, бирок Административдик кодекстин негизинде жазаланышы мүмкүн экенин белгиледи. Жарандарды мазактап, асылгандар жана ушул сыяктуу аракеттерди жасап коомдук тартипти бузгандар 1500 сом айып пулга жыгылып, 8 сааттык коомдук ишке тартылат же болбосо беш суткага камалат.

Жаңылыктар түрмөгү
0