Бишкек менен Ош шаарларында мамлекеттик туунун күнү белгиленди

Жазылуу
Кыргызстандын мамлекеттик туусунун кабыл алынышына быйыл 26 жыл болду

БИШКЕК, 3-мар. — Sputnik. Мамлекеттик туунун кабыл алынган күнүнө карата Бишкек шаардык мэриянын алдында Кыргызстандын желеги көтөрүлдү. Бул туурасында муниципалитеттин маалымат кызматынан кабарлашты.

Туу мамлекеттик гимндин коштоосунда илинди.

Дүйнөдөгү эң бийик флагштоктор - Sputnik Кыргызстан
Кыргызстандын флагштогу дүйнөлүк рейтингде
Салтанатка Бишкек шаарынын мэри, шаардык кеңештин депутаттары жана муниципалитеттин кызматкерлери катышты.

Мэр Албек Ибраимов шаардыктарды мамлекеттик туу күнү менен куттуктап, бул өлкөдөгү маанилүү даталардын бири экендигин айтты.

Туу күнүн Ош шаары да белгилеп жатат. Салтанат вице-премьер Даир Кенекеев, калаа мэри Айтмамат Кадырбаев, шаардык кеңештин депутаттарынын катышуусу менен өттү.

Белгилей кетсек, мамлекеттик тууну легендарлуу парламент 1992-жылы 3-мартта кабыл алган. Быйыл ага 26 жыл толду.

Буга чейин Ош шаарында мамлекеттик желектин жерге төшөлүшү тууралуу маалымат тарап, ал коомчулуктун нааразылыгын жараткан.

Жаңылыктар түрмөгү
0