Мамкаттоо: Казакстанда кармалган депутат аты-жөнүн өзгөрткөн эмес

© Фото / пресс-служба Жогорку КенешаДепутат ЖК Дамирбек Асылбек уулу
Депутат ЖК Дамирбек Асылбек уулу - Sputnik Кыргызстан
Жазылуу
Айрым ЖМКлар Казакстанда кармалган депутаттын аты мурда Динарбек Супатаев болушу ыктымалдыгын жазып чыгышты

БИШКЕК, 22-фев. — Sputnik. Мамлекеттик каттоо кызматынын базасында Казакстанда кармалган Жогорку Кеңештин депутаты Дамирбек Асылбек уулунун аты-жөнүн алмаштырганы боюнча маалымат жок. Бул тууралуу мекеменин маалымат кызматы билдирди.

Буга чейин Казакстандын Тышкы иштер министрлиги Алматыда атайын операция учурунда кармалган Дамирбек Асылбек уулу Казакстандын жараны экенин айтып, КР Тышкы иштер министрлигине нота жөнөткөн. Айрым ЖМКлар Казакстанда кармалган депутаттын аты мурда Динарбек Супатаев болушу ыктымалдыгын жана 1981-жылы эмес, 1979-жылы туулганын жазып чыгышкан.

ЖК депутаты Дамирбек Асылбек уулунун архивдик сүрөтү - Sputnik Кыргызстан
Казакстанга Азиядан күмүш алып берген депутат Дамирбек Асылбек уулу тууралуу 7 факты
Мамлекеттик каттоо кызматы депутат документ алгандан бери бир эле ысым менен жүргөнүн белгиледи.

Ал эми Борбордук шайлоо комиссиясынын маалымат базасында Динарбек Супатаев деген талапкер катталган эмес.

Эске салсак, 15-16-февраль күндөрү Казакстандын күч органдары коррупцияга каршы жүргүзгөн операцияда тогуз бажы постунда мыйзамсыз аракеттерди жүргүзгөн сегиз кылмыштуу топ жок кылынган. Кармалгандардын ичинде Кыргызстандын үч жараны болгон, алардын бири ЖК депутаты Дамирбек Асылбек уулу болгонун ТИМ тастыктаган.

Жаңылыктар түрмөгү
0