21:01 21 Бугу 2018
Түз эфир
Акча алмаштыруу жай. Архивдик сүрөт

Тажикстан Кыргызстан менен Өзбекстандын чек арасына акча алмаштыруу жайын ачат

© REUTERS / Jose Luis Gonzalez
Коом
Кыскача шилтеме алуу
113 0 0

Мындай кадам өлкөгө кирип жаткан чет элдик жарандар үчүн ыңгайлуу шарт түзүп, акчаны көмүскө базарда алмаштыруусунун алдын алат

БИШКЕК, 14-фев. — Sputnik. Тажикстандын Улуттук банкы Кыргызстан жана Өзбекстан менен болгон чек арасына акча алмаштыруу жайларын ачат. Бул тууралуу Sputnik Тажикстан маалымат агенттиги Улуттук банктын Согди облусундагы өкүлчүлүгүнө таянуу менен билдирди.

"Жакын арада Кыргызстан жана Өзбекстан менен болгон чек арадагы көзөмөл өткөрүү пунктуларында акча алмаштыруу жайлары иштеп баштайт", — деп айтылат маалыматта.

Бул иш менен насыя берүүчү уюмдар алектенет. Анткени Тажикстанда жеке акча алмаштыруу жайларынын ишмердигине тыюу салынган.

Мындай кадам өлкөгө кирип жаткан чет элдик жарандардын ыңгайлуулугу үчүн жасалып, акчаны көмүскө базарда алмаштыруусунун алдын алат.

Ишемби жана жекшемби күндөрү банктар менен насыя берүүчү уюмдар иштебегендиктен доллар, евро жана рублди Кожент шаарында дагы алмаштыруу мүмкүн эмес.

Тажикстандын Улуттук банкы 2015-жылы өлкөдөгү бардык жеке акча алмаштыруу жайларын өз буйругу менен жапкан.

Тема боюнча

Бишкекте мыйзам бузган акча алмаштыруу жайлары айыпка жыгылды
Акча алмаштыруучу жайларда элди кантип алдашат. Тасмага түшкөн ыкмалар
Белгилер:
чек ара, акча алмаштыруу, Тажикстан
Колдонуу эрежелериПикирлер

ЭҢ МААНИЛҮҮ