15:55 19 Бирдин айы 2018
Түз эфир
Түндүк Кореядан Олимпиада оюндарына келген күйөрмандар

Соцтармак кызыктары: кайнене-келин кармашы, тоок жеп жазага тартылган түлкү

© REUTERS / BRIAN SNYDER
Коом
Кыскача шилтеме алуу
Эламан Карымшаков
Соцтармактардагы кызыктар (24)
97710

Узаган аптанын жума күнү Пхенчхан шаарында кышкы Олимпиада оюндары башталды. Салтанаттуу параддан өткөн кыргыз спортчуларынын башындагы ак калпагы чет элдиктердин көз жоосун алып, суктануу менен түрдүү постторду жазып чыгышты. Ал эми Түндүк Кореянын командасын колдоого келген кыздарды көрсөңүз таң калып да, кубанып да бүтпөйсүз.

БИШКЕК, 12-фев. — Sputnik. Кайнене менен келиндин ортосундагы кайым айтышууну жеткинчек кыздар тамашага салып аткарып интернетти багындырып жатышат. Ошондой эле тооктордун өлүмүнө шектелип кармалган түлкүнүн соту соцтармак колдонуучуларын күлкүгө салды. Sputnik Кыргызстан агенттиги ушул жана башка кызыктуу сүрөт, видеолордун топтомун сунуштайт.

​1. Кышкы Олимпиада парадына чыккан кыргызстандык делегаттардын башына кийген ак калпагы көрүүчүлөрдүн көңүлүн бурду. Суктанып эле отуруп калбастан, дароо социалдык баракчаларына жазып достору менен бөлүшкөн. Айрымдары кыргыздардын калпагы Олимпиададагы эң мыкты баш кийим болду деп аташкан. Ал эми @fenwaymoose деп катталган колдонуучу "Абдан кооз көрүнөт экен. Мындай баш кийимди кайдан алсам болот?" деп кызыккан.

2. Команданы ушинтип сүрөш керек! Түндүк Кореядан Олимпиада оюндарына келген күйөрмандар өз командасын өзгөчө ыкма менен сүрөп, башкаларды таң калтырууда. Команданы колдоо үчүн өкмөт тарабынан чирлидер-кыздар атайын тандалган. Окшош кызыл кийим кийген кыздар ырларды чогуу аткарып, аны кол чабуу жана бий менен коштогон. Алардын видеосу социалдык тармакта тездик менен жайылууда.

3. Кайнене менен келиндин кармашы. Кайненеси жакында келини боло турган кыздан беш бармактан тарта бутка массаж жасаганга чейин билесиңби деп сураган. Кыз баарына "ооба" деп жооп берип, бирок баласы менен бөлүнүп башка жашай турганын айткан. Казакстандык жеткинчектердин бул видеосу соцтармакты дүң кылып, алты күндүн ичинде бир миллиондон ашуун адам көргөн.

4. Сүйүктүүсүнүн колун коркутуп сурап. 25 жаштагы бишкектик жигит сүйүктүүсүнүн колун өзгөчө ыкма менен сурады. Куралданган "жоокерлер" Subaru Forester машинасын айдап бараткан жигитти автомат такап алып түшүп, баңгизатын сактаган деп айыптап, жанынан желим баштыкка салынган ак порошок табышкан. Милиция кызматкеринин ролун аткарган бала кызга иш менен таанышуу үчүн папканы таштаган. Анын ичинен "мага турмушка чыгасыңбы" деген жазууну окуган кызга жигит ак порошоктун ичинен шакек алып чыгып сунган… Ыйлап жибере жаздаган селки турмушка чыгууга макулдугун берди.

© Sputnik / Азиз Кулмырзаев
Кокаин, милиция, автомат... Бишкекте жигит сүйүктүүсүнүн колун "коркутуп" сурады

5. Жазага тартылган түлкү. Ал эми бир чемпион корозду, алты тоокту жеп кеткен деп шектелген түлкү ыкчам аракеттердин алкагында кармалган. Учурда ага эч кандай ырайымдуулук болбой, өлүм жазасына тартылышы ыктымал. Бирок Юсуп Сайпиев атуу жаран түлкүгө адвокат болуп бир нече жүйөлөр менен аны актап чыгарууга аракет кылууда.

7. Тамада кандай болот. Актер Эркин Эгембердиев

"Күндүзү талаада, түнкүсү тамада.

Тарыхтан бергени тамада, курулуштан келгени да тамада.

Юристи да тамада, туристи да тамада", — деп элдин баарын тамада болуп кетти дегендей жамагын айткан.

8. Соңунда ыр угуңуз. Элбарчын Калилова атуу кыз комуздун коштоосунда созолонто ырдаптыр. Анын мукам мүнү соцтармактын колдоосуна татып алкагандар көп болууда.

Тема:
Соцтармактардагы кызыктар (24)

Тема боюнча

Оп, бали! Олимпиадада кыргыз спортчуларынын ак калпагы көрүүчүлөрдү суктантты
Төш белгиси жок милиционер кык жүктөгөн фураны токтоткон. Видео
Чачына муз тоңгон кытайлык балага соцтармак 450 миң доллар чогултуп берди
Белгилер:
түлкү, ыр, социалдык тармак, ак калпак, Олимпиадалык оюндар
Колдонуу эрежелериПикирлер

ЭҢ МААНИЛҮҮ