ТЭЦтеги авариядан улам жылуулуктун акчасы кайра эсептелет. Тизмеге кимдер кирди

© Sputnik / Табылды КадырбековПовышение тарифов на отопление в КР
Повышение тарифов на отопление в КР - Sputnik Кыргызстан
Жазылуу
ТЭЦте 26-январь күнү авария болуп, борбор калаадагы көп кабаттуу үйлөрдө жылуулуктун табы кескин төмөндөп кеткен. Мындан улам өкмөт жылуулук үчүн келчү төлөм эсебин кайра эсептеп чыгууну убадалаган.

БИШКЕК, 2-фев. — Sputnik. Жылуулук үчүн кайра эсептөө 27-январдан тарта жүргүзүлөт. Бул тууралуу Sputnik Кыргызстан агенттигине "Бишкекжылуулуктармагы" ишканасынын башкы директору Эркин Абдыкалыков билдирди.

Анын айтымында, ТЭЦтеги абал толугу менен жөнгө салына элек, мындан улам жылуулук батирлердин баарына тегиз жеткен жок.

"Андыктан 27-январдан тарта кайсы күнгө чейин кайра эсептөө жүргүзлө турганы азырынча белгисиз. Ооба, авария 26-январда, жума күнү болду. Бирок үйлөрдө жылуулук 27-январдын таңына чейин сакталып турду. Эсептөө кайсы күндү акыркы дата катары камтый турганын өкмөттүк комиссия чечет", — деди Абдыкалыков.

Бишкек ТЭЦинин (жылуулук менен камсыздаган борбордун) жетекчиси Нурлан Өмүркул уулу - Sputnik Кыргызстан
Бишкек ТЭЦинин жетекчиси кызматтан убактылуу кетти
Ал кайра эсептөө "Бишкекжылуулуктармагынын" бардык абоненттери үчүн жүргүзүлө турганын кошумчалады. Белгилей кетсек, ага борбордук жылуулук электр станциясына кошулган шаардыктардын баары кирет.

Эске сала кетсек, 26-январь күнү ТЭЦте авария болуп, кубаттуулугу эки эсе төмөндөп кеткен. Мындан улам шаардыктардын үйү катуу муздай түшкөн. Бир суткадан кийин өкмөт абал жөнгө салынганын маалымдаганы менен жылуулук берүү калыбына келген эмес. 29-январь күнү кошумча агрегатты ишке киргизүүдө диаметри 60 миллиметрге жеткен түтүк жарылып кеткени айтылган. Өткөн шейшемби күндөн тарта үйлөрдөгү батареялардын температурасы көтөрүлө баштаган. Өкмөт жылуулук үчүн төлөмдү кайра эсептеп чыгууга убада берген.

Жаңылыктар түрмөгү
0