10:19 18 Аяк оона 2019
Түз эфир
  • USD69.7942
  • EUR76.9027
  • RUB1.0885
ЖК депутаты Аида Салянованы архивдик сүрөтү

Аида Салянованын соту эртең улантылмай болду

© Фото / пресс-служба ЖК КР
Коом
Кыскача шилтеме алуу
Аида Саляновага өкүм чыкты (15)
14610

Эл өкүлү юстиция министринин милдетин аткарып турганда кызмат абалынан кыянаттык менен пайдаланып, Алексей Елисеевдин адвокаттык лицензиясын калыбына келтирип берген деп айыпталууда

БИШКЕК, 29-янв. — Sputnik. Жогорку Кеңештин депутаты Аида Салянованын соту эртең, 30-январда саат 10:00дө уланмай болду.

Белгилей кетсек, бүгүн, 29-январда Бишкек шаардык сотунда эл өкүлүнүн ишин кароо улантылды.

Соттун жүрүшүндө Салянованын жактоочусу Чынара Жакупбекова бир катар өтүнүч келтирди. Анын ичинде судьялардын курамын өзгөртүү, тергөө учурундагы айрым учурларды тактоо жана сот ишинде проекторду колдонуу суранычы бар. Бирок сот ишине судьялык кылган Ирина Воронцова алардын бардыгын четке какты.

Райондук сот тарабынан соттолгон Салянова иш каралып жаткан залдын сууктугун жана жумуш күнүнүн аяктаганына байланыштуу ишти эртеңкиге жылдырууну суранды.

"Сот залы дагы суук экенин көрүп жатасыз, мен дагы жакында эле ооруканадан чыктым. Андыктан ишти эртең улантууну суранам", — деди ал.

Эл өкүлү юстиция министринин милдетин аткарып турганда кызмат абалынан кыянаттык менен пайдаланып, Алексей Елисеевдин адвокаттык лицензиясын калыбына келтирип берген деп айыпталууда.

Белгилей кетсек, 2017-жылы 10-октябрда Ленин райондук соту Аида Салянованын мүлкүн камакка алуу менен беш жылга эркинен ажыратуу өкүмүн чыгарган. Бирок депутаттын 2015-жылы төрөлгөн баласы 14 жашка чыкканча чечимдин мөөнөтү жылдырылган.

Тема:
Аида Саляновага өкүм чыкты (15)

Тема боюнча

Сот Салянованын ишин кароону сууктан улам кийинкиге жылдыруу өтүнүчүн четке какты
Салянованын соту: судьялардын курамын өзгөртүү өтүнүчү колдоо тапкан жок
Белгилер:
сот, Аида Салянова, Бишкек

ЭҢ МААНИЛҮҮ