20:58 17 Жетинин айы 2019
Түз эфир
  • USD69.8500
  • EUR76.9922
  • RUB1.0933
ӨКМ кызматкери. Архивдик сүрөт

ӨКМ жер көчкү коркунучун тоготпой койгон бүлөнү көчүрүп, башкаларга эскертүү берди

© Фото / пресс-служба МЧС КР
Коом
Кыскача шилтеме алуу
11010

ӨКМ Сузак районунун Орток айылынын жергиликтүү тургундарына түшүндүрүү иштерин жүргүзүп, учурда ал жерде жашап жаткан 33 үй-бүлөгө эскертүү берди

БИШКЕК, 26-янв. — Sputnik. Cузак районунун Орток айылынын Көл-Камыш участкасында жер көчкү кооптуулугунан улам бир турак үйдүн ээси — Маданбек Керимкулов үй-бүлөсү жана мал жандыктары менен коопсуз жайга, тууганынын үйүнө көчүрүлдү. Бул туурасында ӨКМдин маалымат кызматы кабарлады.

Эки күн мурун Cузак районунун Орток айылынын Көл-Камыш участкасында саат 08:00 чамасында көлөмү болжол менен 120000 м3 жер көчкү сүрүлүп баштагандыгы байкалган. Ошондой эле аталган аймакта жайгашкан үч турак үйдү жер көчкү басып калуу кооптуулугу жаралган.

Бул боюнча ӨКМдин тиешелүү кызматтары тактоо-иликтөө жана алдын алуу жумуштарын жүргүзүп, анда үч үйдүн ээлери мамлекет тарабынан берилген ссуда жана жер тилкелерин алганы аныкталды. Алардын ичинен эки үй-бүлө коопсуз жайга көчүп кетишкен, эски турак үйлөрүн бузган эмес. Ал эми бир турак үйдүн ээси Керимкулов баш тартып, көчпөй жашап кала берген.

ӨКМдин Сузак райондук Жарандык коргонуу комиссиясы Сузак районунун Орток айылынын жергиликтүү тургундарына түшүндүрүү иштерин жүргүзүп, азыркы убакытта аталган айылда жашаган 33 үй-бүлөгө (255 адамга) эскертүү берди.

Тема боюнча

Ар жерден чыккан сөөктү көрүп үрөйүм учту... Өзгөчө кырдаалдар министринин маеги
Айылды бүлүнткөн учак, көчкүдө калгандар, өрттөн жайрагандар. Жылдын 9 каргашасы
Белгилер:
эскертүү, Жер көчкү, ӨКМ

ЭҢ МААНИЛҮҮ