Венгрияда бюджеттик негизде билим алгыңыз келеби? Окууга өтүүнүн шарт-талабы

© Sputnik / Юрий Кавер / Медиабанкка өтүүБудапешт шаары. Венгрия. Архив
Будапешт шаары. Венгрия. Архив - Sputnik Кыргызстан
Жазылуу
Венгриянын Социалдык ресурстар министрлиги кыргызстандык студенттерге өкмөттүк Stipendium Hungaricum Programme программасынын негизинде быйыл дагы 25 гранттык орун бөлдү. Анда бакалавр, магистратура жана докторантура боюнча окууга болот.

Каалоочулар чет жакта билим алуу үчүн эмнелерди билип, кандай талаптарды аткарышы керек? Sputnik Кыргызстан маалымат агенттигине билим берүү жана илим министрлигинин эл аралык кызматташтык бөлүмүнүн башчысы Гүлмира Сарбагышева түшүндүрүп берди.

Кимдер катыша алат?

Окууда жетишкендиктери мыкты болуп, англис тилинде эркин сүйлөй алган 18 жаштан жогору курактагы жаштар катыша алат.

Кандай талаптар менен кабыл алынат?

Бүтүрүүчүлөр. Архив - Sputnik Кыргызстан
Кыргызстандыктар бекер билим алганы кайсы өлкөлөргө кетет? Инфографика
Сынак үч баскычтан турат. Биринчи баскычта катышуучулар www.stipendiumhungaricum.hu сайтынан онлайн түрүндө каттоодон өтөт. Каттоо 16-февралда саат 12:00гө чейин уланат. Февралдын аягында аталган фонд катталгандардын тизмесин КР Билим берүү министрлигине жөнөтөт. Министрлик 1-мартка чейин талапкерлердин документин кабыл ала баштайт. Мындан улам каттоодон өткөндөр документтерин алып дароо министрликке тапшырышы керек. Документтердин баары кабыл алынып бүткөн соң, министрликтин сайтына экинчи этап качан башталаары тууралуу маалымат чыгат.

Экинчи баскычта каттоодон өтүп, документин тапшыргандар Бишкектен экзамен беришет. Көбүнчө бул экзамен президенттин алдындагы башкаруу академиясында уюштурулат. Окууга өтөм дегендер эссе жазса, тестирлөөдөн өтүп докторантурага тапшырам дегендер менен илимий эмгеги боюнча маектешүү жүрөт. Марттын аягында Кыргызстанда экинчи баскычта экзаменден өткөндөрдүн тизмеси Венгрияга жөнөтүлүп, министрликтин сайтына жайгаштырылат.

Үчүнчү баскычта экинчи турдан тандалган 25 адам Венгриянын ЖОЖдорунда онлайн түрүндө экзамен берип, ийгиликтүү өткөндөрдүн тизмеси министрликке жөнөтүлөт.

Кайсы кесип боюнча бара алышат

Бишкек гуманитардык университетинин имараты. Архив - Sputnik Кыргызстан
Депутат студенттерди насыяга окутуу мыйзам долбоорун сунуштоодо
Бакалаврга 10 орун айыл чарба, инженерия, маалыматтык технологиялар, табигый, коомдук, экономикалык жана спорттук илимдер боюнча берилген. Ушул эле багыттар боюнча магистратурада да 10 орун, ал эми докторантура үчүн беш орун бар.

Керектүү документтер:

Венгрияда окууну каалагандар төмөнкү документтерди аталган программанын www.stipendiumhungaricum.hu сайтына англис тилинде, ошондой эле КР Билим берүү жана илим министрлигине орус тилинде жиберүүсү керек.

Мотивациялык кат;
Аттестат же диплом;
Арыз;
Өмүр баян;
Чет тилди билгендиги тууралуу сертификат;
3х4 форматындагы сүрөт;
Медициналык маалымдама;
Чет элдик паспорттун көчүрмөсү.

Окууга өткөндөргө кандай шарттар каралган?

Сынактан өткөн жарандар бекер окуп, жатакана менен медициналык камсыздандырууга ээ болот. Андан сырткары, бакалавр жана магистратурада окугандарга ай сайын 130 евронун жана докторанттарга 450 евронун тегерегинде стипендия төлөнөт.

Сынак жеңүүчүсүнүн эл аралык транспорттук чыгымдары төлөнөт.

Жаңылыктар түрмөгү
0