Быйылкы ажылык сапарды уюштурууга даярдык башталды

© Sputnik / Михаил Воскресенский / Медиабанкка өтүүПаломники в Мекке
Паломники в Мекке - Sputnik Кыргызстан
Жазылуу
Кыргызстандык делегация Сауд Аравиясына 9-январь күнү жөнөп кеткен

БИШКЕК, 12-янв. — Sputnik. Сауд Аравиянын Ажылык министрлиги Кыргызстандын ажылык сапарды уюштуруу иштерине "жакшы" деген баа бергенин муфтият билдирди.

Первый рейс на Мекку на паломничество с Оша - Sputnik Кыргызстан
Муфтият быйыл зыяратчыларды ташуу үчүн авиакомпанияларга конкурс жарыялады
Белгилей кетсек, муфтий Максатбек ажы Токтомушев, Дин иштери боюнча мамлекеттик комиссиянын төрагасы Зайырбек Эргешов, Жарандык авиация агенттигинин директору Курманбек Акышев баштаган расмий делегация Сауд Аравиянын Ажылык министрлигинин чакыруусу менен аталган өлкөнүн ажылык жана умра министринин орун басары Абдульфаттах Мушат менен жолугушкан.

Маалыматка ылайык, жолугушууда 2017-жылдагы ажылык иштерин уюштуруу, жетишкендиктер, өзгөчөлүктөр туурасында пикир алышып, жатакана, автобус кызматтары, Мина, Арафат, Муздалифа өрөөндөрүндөгү тейлөө сервистеринин мыкты деңгээли белгиленди.

"Кыргызстандын ажылык иштеринин уюштурулушуна "жакшы" деген баа берилди. Муну менен катар эки тараптуу сүйлөшүүлөрдүн алкагында ажылык иштери жылдагыдай эле электрондук түрдө жүргүзүлөрү, келишимде көрсөтүлгөн бардык иштер 2018-жылдын 14-майына чейин ишке ашырылышы керек экендиги белгилүү болду", — деп айтылат билдирүүдө.

Эскерте кетсек, кыргызстандык делегация Сауд Аравиясына 2018-жылдагы ажылык иштерин уюштуруу боюнча эки тараптуу келишимге кол коюу үчүн барган.

Жаңылыктар түрмөгү
0