Поезддин от жаккан жайына жашырынып Москвага бараткан кыргызстандык кармалды

Жазылуу
Бишкек — Москва каттамы менен бараткан кишини жаап-жашырганы үчүн борт коштоочуга айып салынды

БИШКЕК, 26-Дек. — Sputnik. "Кайыңды темир жол" көзөмөл өткөрмө бекетинен өлкөдөн чыгууга туюу салынган жаран кармалды. Бул туурасында Мамлекеттик чек ара кызматынын маалымат кызматы билдирди.

Поезд Бишкек — Москва каттамы менен бара жаткан.

"Чүй облустук чек ара кызматы тарабынан мыйзамсыз түрдө чек арадан өтүүгө аракет кылган 44 жаштагы жаран кармалды. Териштирүүлөрдүн натыйжасында ага сот тарабынан Кыргызстанда башка өлкөгө чыгууга тыюу салынганы аныкталды. Колго түшүрүлгөн адам поезддин от жаккан жайына жашырынып бараткан", — деп айтылат маалыматта.

Мындан улам аны жаап-жаашырганы үчүн Н.Т аттуу борт коштоочуга 5000 сом айып салынып, каттамдан алынган.

Ал эми тиешелүү документтер толтурулган соң кармалган жаран укук коргоо органдарына өткөрүп берилген.

Жаңылыктар түрмөгү
0