Атамбаевге президенттик мөөнөтүнүн акыркы жылында элден кандай каттар келген

Жазылуу
24-ноябрь күнү Сооронбай Жээнбековдун инаугурациясы болуп, Алмазбек Атамбаев экс-президентке айланды.

БИШКЕК, 9-дек. — Sputnik. Ушул жылдын акыркы тогуз ай ичинде өлкө башчынын атына 7,5 миң кайрылуу келип түшкөн. Бул тууралуу президенттин расмий сайтына жарыяланды.

Дом приемов в госрезиденции Ала-Арча - Sputnik Кыргызстан
Атамбаев ажолуктан кеткенден кийин кандай артыкчылыктарга ээ болот
Билдирүүдө жазылгандай, жарандар көбүнчө соттордун жана укук коргоо органдарынын жумушуна нааразы болуп, бул боюнча 2040 кат келип түшкөн (33,6 пайыз). Турак жай жана курулушка жер участокторун бөлүп берүүнү суранып 767 адам кайрылуу жөнөткөн (12,9 пайыз).

Ошондой эле кыргызстандыктар өлкө башчыдан социалдык кызматтардын иши, айлык акынын төлөнүшү, саламаттык сактоо тармагындагы көйгөйлөр боюнча, мамлекеттик сыйлык тапшыруу жана насыя алган карыздарын төлөп берүүсүн да суранышкан.

Эске салсак, 24-ноябрь күнү Сооронбай Жээнбековдун инаугурациясы болуп, Алмазбек Атамбаев экс-президентке айланды.

Жаңылыктар түрмөгү
0