00:48 12 Бештин айы 2017
Түз эфир
Түнкү Бишкек. Архивдик сүрөт

Кыргызстанда электр энергиясын колдонуу максималдуу деңгээлге жетти

© Sputnik / Акылбек Батырбеков
Коом
Кыскача шилтеме алуу
13610

Ишкана күз-кыш мезгилине кызмат көрсөтүү үчүн толугу менен даярдыктан өткөн

БИШКЕК, 6-дек. — Sputnik. Кыргызстанда 5-декабрда электр энергиясын колдонуу суткалык нормадан ашты. Бул тууралуу "Кыргызстандын улуттук электр тармактары" ишканасы билдирди.

Маалыматка ылайык, шейшемби күнү өлкө боюнча 61 миллион кВт саат электр энергиясы сарпталган.

"Электр энергиясынын көп колдонулушу сууктун түшүшүнө байланыштуу", — деп айтылат маалыматта.

Былтыр бир суткага белгиленген электр энергиясын ашык колдонуу 26-декабрга туура келип, 59 миллион кВт саат энергияны түзгөн.

"Кыргызстандын улуттук электр тармактары" ААКтын борбордук диспетчердик кызматынын ыкчам маалыматы боюнча ноябрь айында өлкө аймагында 1, 359 миллиард кВт саат электр энергиясы колдонулган.

Ишкана күз-кыш мезгилине кызмат көрсөтүү үчүн толугу менен даярдыктан өткөн.

Тема боюнча

Карызы 200 млн. сомду чапчыйт. Бишкектеги бересе ишканалардын рейтинги
Белгилер:
кыш, кышка даярдык, суук, электр энергиясы
Колдонуу эрежелериПикирлер

ЭҢ МААНИЛҮҮ