БИШКЕК, 2-дек. — Sputnik. Нарын облустук ички иштер башкармалыгынын жетекчиси болуп Уланбек Аалиев дайындалды. Бул туурасында ИИМдин маалымат кызматы билдирди.
28 Жетинин айы 2017, 22:57
Уланбек Аалиев милициянын полковниги, 1974-жылы Нарын облусунда туулган. 1996-жылы Кыргыз улуттук университетинин юриспруденция адистигин аяктаган. Ички иштер органдарында 1997-жылдан тарта иштеп баштаган. Алгач, Бишкек Свердлов районунда аймактык инспектор, кылмыш издөө бөлүмүнүн ыкчам ыйгарым укуктуу кызматкери болуп эмгектенген.
Жетекчилик кызматтарда Чүй облусунун Жайыл райондук кылмыш издөө бөлүмүнүн башчысы, ушул эле РИИБдин жетекчисинин орун басары болуп иштеген. Ошондой эле Чүй ОИИББ (облустук ички иштер башкы башкармалыгынын) жана ИИМдин Уюшкан кылмыштуулук менен күрөшүү боюнча башкы башкармалыгы бөлүмүнүн жетекчиси кызматтары аркалаган. Ушул эле бөлүмдүн түштүк региону (Ош шаары) боюнча жетекчисинин орун басары болуп эмгектенген. Буга чейин Чүй облустук Ички иштер башкы башкармалыгынын жетекчисинин орун басары болуп иштеп келген.
Мамлекет тарабынан "Даңк" медалы менен сыйланган.
