Министрлик: дарыгерлер окуучуларды ата-энесинин макулдугу менен гана текшерет

© Sputnik / Антон Денисов / Медиабанкка өтүүАвторская клиника "НЕО ВИТА"
Авторская клиника НЕО ВИТА - Sputnik Кыргызстан
Жазылуу
Бир катар басылмалар Кыргызстандагы мектептерде гинекологдор окуучу кыздарды текшерип жаткандыгын жазган

БИШКЕК, 28-ноя. — Sputnik. Билим берүү жана илим министрлиги жогорку класстардын окуучу кыздарын гинекологдор текшерип жатат деген маалыматты четке кагат деп билдиришти аталган ведомствонун маалымат кызматынан.

Мектеп окуучулары сабак учурунда. Архив - Sputnik Кыргызстан
Бишкектиктер мектептеги балдарын онлайн көзөмөлдөй алат
Бир катар басылмалар Кыргызстандагы мектептердин администрациясы жогорку класстардын окуучу кыздарынын жыныстык катнашта болуп-болбогонун гинекологдор текшерип жаткандыгын жазган. Бул жыныстык жашоону эрте баштаган кыздарга психологиялык жактан жардам кылуу максатын көздөй турганы айтылган.

Министрлик кыздар-балдарды текшерүү саламаттык сактоочу жайлардын бекиткен графигинин негизинде ар кыл оорулардын алдын алуу жана аныктоо үчүн дарыгерлерди тартуу менен жүргүзүлүшү мүмкүндүгүн айтты. Алар окулист, отоларинголог, хирург жана педиатр болорун кошумчалашкан.

Текшерүү ата-энелердин же расмий камкорчунун уруксаты менен мектептин аймагында жүргүзүлөрүн билдирген.

Быйыл өзбекстандык басылмаларда жогорку класстардын окуучуларын жана колледж студенттерин гинекологдор текшерип жаткандыгы кабарланган. Максат — жыныстык катнашка эрте баргандарды аныктоо экендиги айтылган.

Жаңылыктар түрмөгү
0