Бала бакчаларда сарык оорусу күч алдыбы? Саламаттык сактоо министрлигинин жообу

© Sputnik / Владимир Астапкович / Медиабанкка өтүүРабота детского сада №406 в Москве
Работа детского сада №406 в Москве - Sputnik Кыргызстан
Жазылуу
Редакцияга бала бакчаларда сарык оорусу күч алып жатат деген маалыматты тактап берүү боюнча кайрылуулар түшкөн

БИШКЕК, 23-ноя. — Sputnik. Бишкектин бала бакчаларында гепатит А илдети боюнча абал туруктуу экенин Sputnik Кыргызстан агенттигине Мамлекеттик санитардык-эпидемиологиялык көзөмөл борборунун башкы дарыгери Артур Буюклянов билдирди.

Буга чейин редакцияга бала бакчаларда сарык оорусу күч алып жатат деген маалыматты тактап берүү боюнча кайрылуулар түшкөн.

Буюкляновдун айтымында, аталган илдет күз жана кыш мезгилдеринде козголот.

"Ичеги-карын инфекциялары көбүнесе ноябрь айында жайылат. Бишкекте бир бала бакчада эки наристе сарык болуп ооруп, ал убактылуу жабылды. Бирок балдар сарыкты бири-бирине жуктурган эмес. Негизи сарыкка бала бакчага барбаган наристелер көп кабылат. Учурда Бишкекте эпидемиялык абал түзүлгөн жок", — деди дарыгер.

Гепатит же сарык оорусу — боорду жабыркаткан жугуштуу дарт. Өз ичинен А, В, С, D жана Е болуп беш түргө бөлүнөт. Гепатиттин А жана Е түрү оорунун жеңил формасы болуп саналат. Бул илдет жуулбаган жер-жемишти жегенде же ооруп жаткан адам менен байланышта болгондо жугат.

Жаңылыктар түрмөгү
0