БИШКЕК, 22-ноя. — Sputnik. Кыргызстанда 26-ноябрдан тарта жаан жаап, абанын температурасы төмөндөйт. Бул тууралуу Sputnik Кыргызстан агенттигинин кабарчысына Кыргызгидрометтен билдиришти.
Алдын ала божомолдорго караганда, 26-27-ноябрда жамгыр жаап арты карга айланат.
"Күндүз абанын температурасы 0…+2 градус жылуу болсо, түнкүсүн нөлдөн төмөн болот. Алдын ала божомол боюнча декабрда былтыркыга салыштырмалуу жаан-чачын көп болот", — деп айтылат маалыматта.
Буга чейин ӨКМ 27-ноябрга чейинки аба ырайынын божомолун жарыялаган. Ага ылайык бул жумада туруксуз аба ырайы күтүлмөкчү.
