04:46 21 Жетинин айы 2017
Түз эфир
Келиндер. Архивдик сүрөт

Абысындарга арналган 6 "болбойт"

© Sputnik / Табылды Кадырбеков
Коом
Кыскача шилтеме алуу
Таалайгүл Усенбаева
"Болбойт" рубрикасы (41)
1202 0 0

Эл арасында "абысын аңдышкан жоо" деп айтылганы менен алардын ортосундагы мамиле сый, бекем болгону жакшы. Антпесе үй-бүлөнүн, бир туугандардын ынтымагын алардын алакасы ыдыратып алышы мүмкүн.

Sputnik Кыргызстан агенттиги абысындары арбын келиндер үчүн алардын ортосунда болбой турган нерселерди тизмектеди. Бул жаатта төрт абысыны менен 50 жылдай урушуп-талашпай сый мамилесин сактап келген кыргыз тилчи мугалим Жыпар Миңбаева тажрыйбасы менен бөлүштү.

Абысындар урушпайт. Абысын деле бара-бара бир туугандай болуп калат. Кандай кырдаал жаралбасын алар менен ортодогу сый мамилени сактап калган жакшы. Жаман, ачуу сөз адамдын жүрөгүндө так болуп калышы ыктымал. Анын үстүнө кайын журтта сизди жакшы түшүнгөн абысын гана болот. Андыктан көңүл калтырышпаңыз!

Бири-бирине сөз ташыбайт. Бир абысындын айтканын экинчисине айтып барбаганга аракет кылыңыз. "Уруш кайдан чыкты" болуп болор-болбос нерсенин айынан ортодогу мамилени бузуп албаңыз.

Күйөөлөрүн жамандабайт. Абысындар бири-бирине кайнагасын же кайнисин жамандап, анын кылык-жоругун айтууда абайлаш керек. Андай эле күйөөңөрдүн кылык-жоругу чектен ашып, ичиңерге батпай жатса абысынга эмес, курбуңар менен тең бөлүшкөнүңөр оң го.

Улуттук кийим кийген кыз. Архивдик сүрөт
© Sputnik / Табылды Кадырбеков
Атаандашпайт. Абысын менен атаандашпай, тескерисинче, алар менен кеңешип, акылдашып оокат кылган жакшы. Улуусунан кеңеш сурап, кичүүлөргө акыл айткан абысын сый-урматтын үстүндө болот.

Бири-биринин балдарына катуу айтпайт. Негизи эркек бир туугандар бири-биринин балдарын урушуп, ал тургай урса да эч нерсеси билинбейт. Ал эми алардын аялдары балдарын урмак түгүл, катуу сөз айтып койсо ата-энесине октой тиет. Анчалык балдары чектен ашып баратса, акырын гана жолдошуңузга же ата-энесине түшүндүрүп айтып коюңуз.

Касташпайт. Жеке эле абысын менен эмес, кайын журтта кайын сиңди, кайнеже, кайнене менен касташып, атаандашкандан алыс болуңуз.

Тема:
"Болбойт" рубрикасы (41)

Тема боюнча

Өкүл ата, өкүл эне эмне себептен, качан, кантип тандалат
Кийим-кечеге карата айтылган 12 "болбойт"
Белгилер:
туугандар, каада-салт, Кыргызстан
Колдонуу эрежелериПикирлер

ЭҢ МААНИЛҮҮ