Атамбаев ажолуктан кеткенден кийин кандай артыкчылыктарга ээ болот

© Sputnik / Эркин АлымбековДом приемов в госрезиденции "Ала-Арча"
Дом приемов в госрезиденции Ала-Арча - Sputnik Кыргызстан
Жазылуу
24-ноябрь күнү жаңы шайланган президент Сооронбай Жээнбеков кызматына киришип, Алмазбек Атамбаев экс-президент макамына ээ болот. Мындан улам Sputnik Кыргызстан агенттиги мурдагы өлкө башчыларына берилген артыкчылыктарды сураштырып көрдү.

Сооронбай Жээнбековдун инаугурациясы 24-ноябрга белгиленип, уюштуруу комитети түзүлдү. Sputnik Кыргызстан агенттиги Алмазбек Атамбаев кызматын тапшыргандан кийин кандай укуктарга ээ болорун тизмектеп чыкты.

Экс-президент макамы өмүр бою сакталат.

Президент Алмазбек Атамбаевдин архивдик сүрөтү - Sputnik Кыргызстан
Атамбаевге Кыргызстан канча акча коротту
Экс-президент кол тийбестик укугуна ээ. Ал кызмат учурундагы аткарган жана аткарбаган иштери үчүн кылмыш жана административдик жоопкерчиликке тартылбайт. Ошондой эле аны кармоого, тинтүүгө, суракка алууга эч кимдин укугу жок. Кол тийбестик укугу анын жашаган үйүнө, иштеген имаратына, транспорт, байланыш кажараттарына, архивине, документтерине, жүгүнө жана кат жазышууларына дагы тиешелүү.

Экс-президентти Кыргызстандын аймагында өмүр бою мамлекеттик күзөт кызматы кайтарат.

Экс мамлекет башчынын жубайы жана жашы жете элек балдары медициналык тейлөөдөн бекер өтүүгө укуктуу. Ошондой эле ал өмүр бою каржылык колдоого ээ болуп (пенсия курагына чейин), пенсиясынын көлөмү айлыгынын 75 пайызын түзөт. Эгер учурдагы президенттин маянасы өсө турган болсо, экс-башчынын дагы пенсиясы жогорулайт.

Жаңы шайланган президент Сооронбай Жээнбековдун архивдик сүрөтү - Sputnik Кыргызстан
Сооронбай Жээнбековдун инаугурациясынын күнү белгилүү болду
Экс-президент өмүрү өткүчө мамлекеттик дачалардын бирин колдонууга ала алат. Ошондой эле аэропорттордун, темир жолдордун жана автостанциялардын залын расмий өкүлдөр менен делегацияларды кабыл алуу үчүн бекер колдоно алат.

Экс-президент Кыргызстанда бийлик органдары ээлик кылган өкмөттүк жана башка байланыштардан бекер пайдалана алат. Ошондой эле кезексиз түрдө байланыш кызматын алууга укуктуу.

Экс-президенттин ар-намысы, кадыр-баркы кол тийгис жана мыйзам менен корголот.

Жаңылыктар түрмөгү
0