БИШКЕК, 14-окт. — Sputnik. Бишкек менен Токмок шаарларынын айрым бөлүктөрүндө 17-20-октябрь күндөрү газ берүү үзгүлтүккө учурай турганын "Газпром Кыргызстан" ишканасы билдирди.
Маалыматка ылайык, көгүлтүр от газ куурларын оңдоо иштерине байланыштуу токтотулат.
- 17-18-октябрь күндөрү Бишкектин Ленская, Лазо көчөлөрүндө, 18-октябрь күнү саат 8..00дөн 17.00гө чейин Токмоктун Амбулаторная көчөсүнө газ берилбейт.
- 18-19-октябрь күндөрү Бишкекте Курманжан датка, Дайыр Асанов, Айтматов жана ЧЧК менен кесилишкен аймагында газ берүү үзгүлтүккө учурайт.
- 19-20-октябрь күндөрү Бишкектин Араван, Ростов, Асанова көчөлөрү менен Жибек Жолу проспектисинде көгүлтүр от болбойт.
