"Илегилек" Лондонго учат

© Sputnik / Александр Вильф / Медиабанкка өтүүГорода мира. Лондон
Города мира. Лондон - Sputnik Кыргызстан
Жазылуу
Спектакль улуулар менен кийинки муундун ортосундагы ой-туюм, тарбия жана адамдык баалуулуктар боюнча эки ача көз карашын баяндайт

БИШКЕК, 3-окт. — Sputnik. Драматург Султан Раевдин "Илегилек" спектакли Лондондо өтүүчү театрлардын эл аралык фестивалында 7-октябрда көрсөтүлөт. Бул туурасында "Тунгуч" театрынын жетекчиси, башкы ролдордун бирин аткарган Жамал Сейдакматова Sputnik Кыргызстан агенттигине кабарлады.

5-13-октябрда өтүүчү ири масштабдагы фестивалга "Илегилекти" Бишкек шаарындагы "Тунгуч" театры алып барат.

Спектаклди автор Раев жана театр сүрөтчүсү Бакыт Тилекматов сахнага алып чыккан. Башкы ролду КРдин Эл артисти Жамал Сейдакматова, андан сырткары, жаш артисттер Таазим Үмөталиева, Имаш Ажыкул ойногон.

"Чыгарма азыркы коомдогу эң оор теманы, социалдык көйгөйдү козгойт. Спектакль эки муундун ортосундагы карама-каршылыкты, түшүнүк, көз караштардын, дөөлөттөрдүн кризисин чагылдырат. Чыгарманын негизги өзөгүн метафора, терең психолиялык кагылыш, экспрессия түзөт", — деди чыгарманын автору жазуучу жана драматург Раев.

Сахнадагы театр артисттери. Архив - Sputnik Кыргызстан
Пекинде "Манас" операсы кытай тилинде коюлду
Илегилек — бакыттын кушу, ошол бакытты учуруп жиберүүгө эмне түрткү болду? Ушул суроо көрүүчүнүн алдына коюлат. Бул спектакль Астана 2017 эл аралык ЭКСПОнун алкагында өткөн эл аралык фестивалда жогору баа алган.

Былтыр драматургдун "Суфлер" спектакли Лондондо өткөн эл аралык I фестивалда катышып, баш байгени алган, ал эми анда ойногон актриса Назира Мамбетова аялдын мыкты ролун аткаргандыгы үчүн атайын сыйлыкка ээ болгон.

Жаңылыктар түрмөгү
0