БИШКЕК, 14-сен. — Sputnik. Бишкек мэриясы шаардыктарды көчөт отургузууга чакырат. Бул тууралуу муниципалитеттен маалымдашты.
Бишкек шаары боюнча жалпы 3855 көчөт отургузулат.
Мындай иш-чарага катышууну каалагандарды "Зеленстрой" керектүү шаймандар менен камсыздайт. Ал эми агрономдор дарактарды кантип отургузуу керектигин көрсөтүп беришет.
Көчөт отургузуу иштери шаардын бир нече жеринде аткарылат:
- Токомбаев көчөсүндөгү 12-кичирайондон Шабдан баатыр көчөсүнө чейин 600 дарак жана 300 бадал отургузулат;
- Медеров көчөсүнүн Панфилов менен Токтоналиевге чейинки бөлүгүндө 220 дарак жана 30 бөрү карагат тигилет.
Шаарды жашылдандыруу иштери 16-сентябрда саат 10.00дөн тарта башталат.
Иш-чарага бардык каалоочулар катыша алышат. Кызыктырган суроолор болсо +996 701 321 042, +996 312 375 215 номерлери аркылуу байланышка чыгууга болот.
