Москвада басмаканадагы өрттөн каза тапкан кыз-келиндерге куран окулду

© Фото / пресс-служба посольства КыргызстанаМосквадагы "Печатный экспресс" басмаканасынан чыккан өрттөн каза болгон кыргызстандык кыз-келиндердин бир жылдыгына карата эскерүү иш-чарасы болуп өттү
Москвадагы Печатный экспресс басмаканасынан чыккан өрттөн каза болгон кыргызстандык кыз-келиндердин бир жылдыгына карата эскерүү иш-чарасы болуп өттү - Sputnik Кыргызстан
Жазылуу
Элчилик каза болгон жарандардын туугандарына компенсация төлөп берүү маселеси боюнча Россиянын тийиштүү органдары жана адвокаттар менен иштөөнү улантып жатканын кабарлады

БИШКЕК, 28-авг. — Sputnik. Москвадагы "Печатный экспресс" басмаканасынан чыккан өрттөн каза болгон кыргызстандык кыз-келиндердин бир жылдыгына карата эскерүү иш-чарасы болуп өттү. Бул тууралуу Кыргызстандын Россиядагы элчилигинен маалымдашты.

Билдирүүгө ылайык, ага Москвадагы кыргыз элчилигинин жана диаспоранын өкүлдөрү, жарандык активисттер, аксакалдар кеңеши, ошондой эле каза болгондордун туугандары катышты. Тилсиз жоонун айынан ажал тапкан кыз-келиндердин жакындарына көңүл айтылып, арбактарына багышталып куран окулду.

Москва: басмаканадагы кыргызстандыктардын өмүрүн алган өрт. Архив - Sputnik Кыргызстан
Москвадагы өрттөн ажал тапкан 14 кыз-келиндин туугандары соттун чечимине нааразы
Эскерте кетсек, "Печатный экспресс" басмаканасында былтыр август айында өрт чыгып, жалпы жонунан 17 киши набыт болгон, анын 14ү — кыргызстандык кыз-келин экени аныкталган. Имараттан чыга албай калгандардын көбү 25 жаштын тегерегиндегилер эле. Кырсыктан кийин алардын иске ууланып каза болгону аныкталган. Россиянын Тергөө комитети өрт коопсуздугун сактаган эрежелердин бузулушу боюнча кылмыш ишин козгогон.

Москва шаарынын Бутырский райондук соту басмкананын башкы директору Сергей Москвинди эки жыл алты айга, инженери Антон Яцковду үч жыл алты айга эркинен ажыраткан.

Кийинчерээк кыргызстандык кыз-келиндердин туугандары сот жумшак өкүм чыгарып койду деп нааразы болуп доо арыз берилген.

Мындан тышкары, элчилик каза болгон жарандардын туугандарына компенсация төлөп берүү маселеси боюнча Россиянын тийиштүү органдары жана адвокаттар менен иштөөнү улантып жатканын кабарлады.

Жаңылыктар түрмөгү
0