Өмүрбек Текебаев сотто Megacom мамлекетке кантип алынганын айтты

© Sputnik / Расул УсеналиевСуд над политиком Омурбеков Текебаевым
Суд над политиком Омурбеков Текебаевым - Sputnik Кыргызстан
Жазылуу
Текебаев "Альфа телеком" (Megacom) боюнча өз пикирин айтып, ал Убактылуу өкмөт учурунда кантип мамлекетке алынганын айтты.

БИШКЕК, 11-авг. — Sputnik. Бишкек шаардык Биринчи Май райондук сотунда Жогорку Кеңештин депутаты Өмүрбек Текебаев менен мурдагы элчи Дүйшөн Чотоновдун иши каралып, тараптардын жарыш сөзү уланууда.

Текебаев "Альфа телеком" (Megacom) боюнча өз пикирин айтып, ал Убактылуу өкмөт учурунда кантип мамлекетке алынганын айтты.

"Megacom компаниясын декрет менен компенсациясы жок эле мамлекетке алганбыз. Аны ишке ашырууда 288-берене жетекчиликке алынган", — деди ал.

Белгилей кетсек кечээ, 10-августта башталган жарыш сөз учурунда мамлекеттик айыптоочу Текебаевди 10-жылга, Чотоновду 8 жылга кесип, мүлкүн мамлекетке алууну суранган. Ошондой эле алар абактан чыккандан кийин 3 жылга чейин мамлекеттик жумуштарда иштей албасын деген сунуш келтирген.

Лидер политической партии Ата-Мекен Омурбек Текебаев - Sputnik Кыргызстан
БШК Текебаевдин экзамен тапшыруусуна кайра бөгөт койду
Жарыш сөз маалында Текебаев өзүн жаман сезип Тез жардам чакыртылган. Кийин депутаттын кан басымы көтөрүлүп кеткени аныкталган. Андан сырткары, сот ишине төрагалык кылган судья Айбек Эрнис уулу да өзүн жаман сезгендиктен ага да медициналык жардам көрсөтүлгөн.

Эскерте кетсек, 2017-жылдын 25-февралында Башкы прокуратура "Ата Мекен" фракциясынын лидери Өмүрбек Текебаевге жана башка адамдарга карата КР Кылмыш жаза кодексинин 303-беренесинин 1-бөлүмү (коррупция) жана 166-беренесинин 4-бөлүмүнүн 2-3-пункттарында (алдамчылык) камтылган белгилер боюнча кылмыш ишин козгогон.

Козголгон кылмыш иштин алкагында Текебаев менен Чотонов кармалган. Россиялык бизнесмен Леонид Маевский Текебаев "Альфа Телеком" (Megacom) компаниясынын башкармалыгына кирүүгө мүмкүнчүлүк берүү үчүн бир миллион доллар алды деп айтып, депутаттын үстүнөн арыз жазган.

Жаңылыктар түрмөгү
0