БИШКЕК, 27-июл. — Sputnik. Интернет айдыңына 25-июлда 30 жаштагы аялды унаа койдуруп кеткен окуядан кийинки көрүнүштүн видеосу тарады.
Аны Азият Жекшеев аттуу колдонуучу Facebook баракчасына жүктөдү.
Видеодон жолдо жаткан маркумду, Тез жардам кызматы менен Кайгуул милициясынын автосун көрүүгө болот.
Кырсык Токомбаев көчөсүндө катталган (Түштүк магистраль).
Бишкек шаардык Кайгуул милиция башкармалыгынан маалымдашкандай, бусту 30 жаштагы жаран катуу ылдамдыкта айдап келе жаткан. Анын алдында келе жаткан жеңил унаа жолдон өтүүгө камынып жаткан аялды байкап токтогон. Бустун айдоочусу жеңил автону кагып кетпөө үчүн рулду чукул бурганда, алдынан чыккан кызды сүзүп кеткен.
Учурда бустун айдоочусу кармалды. Ал мас абалында болгон эмес. Унаасы айып короого токтотулду.
Аталган факты боюнча тиешелүү экспертизалар дайындалды.
