БИШКЕК, 1-июл. — Sputnik. Ысык-Көл облусунан ажылык сапарга баруучулар толугу менен эмдөөдөн өтүп бүтүштү. Бул тууралуу муфтияттын маалымат кызматы билдирди.
Ажыларды эмдөө Каракол шаарындагы үй-бүлөлүк дарыгерлер борборунда өткөрүлгөн.
Ал эми Кыргызстан мусулмандарынын дин башкармалыгынын ажыларды каттоо боюнча Ысык-Көл облусундагы жоопту адиси Жунус Дүшековдун айтымында, эмдөө Саламаттык сактоо министрлиги көрсөткөн тартипте уюштурулуп, алгач ажылардын ден соолуктары текшерилип, андан соң эмдөөдөн өтүшкөн.
Зыяратчыларды иммунизациялоо 2017-жылдын 20-июлунда аяктайт.
Бул жылы ажылык сапарга кыргызстандык 4585 адам бармакчы.
