00:02 25 Үчтүн айы 2021
Түз эфир
  • USD84.7671
  • EUR103.2421
  • RUB1.1399
Коом
Кыскача шилтеме алуу
Курчоого алынган "Ак-Кеме" мейманканасы (8)
70 0 0

Мейманкана мамлекетке 452 миллион сом карыз деп соттун чечими чыккан.

БИШКЕК, 22-июн. — Sputnik. "Ак-Кеме" мейманканасы өкмөттүн токтомунун негизинде мамлекеттин карамагына өткөрүлдү. Бул тууралуу Мамлекеттик мүлк фондусунун төрагасы Болсунбек Казаков билдирди.

Анын айтымында, мейманкана менен Финансы министрлиги 2012-жылы соттошкон. Анын негизинде отель 452 миллион сом мамлекетке карыз деп соттун чечими чыккан.

"Финансы министрлиги менен  "Ак-Кеме" мейманканасынын ортосунда сот иштери болуп, 452 миллион сом мамлекетке карыз деген соттун чечими чыккан. Карызды өндүрүү максатында бир нече аукцион өткөрүлгөн. Ал иш-чаралар эч кандай жыйынтык бербегендиктен соттун чечимин аткаргандар объектини мамлекеттин үлүшүнө алуу боюнча өкмөткө кайрылган. Ага ылайык, өкмөт тиешелүү чечим чыгарып берген", — деди Казаков.

Ошондой эле ал аталган фонду ушул жылдын март айынан бери мейманкананын жетекчилигине аны мамлекетке өткөрүп берүү боюнча 12 жолу эскертүү берилгендигин кошумчалады.

Эскерте кетсек, 22-июнь күнү эртең менен эрте күч түзүмдөрү тарабынан "Ак кеме" мейманканасы курчоого алынган. Анда аталган мейманкананын башчысы Руслан Сарымсаков мамлекеттик органдардын аракеттин мыйзамсыз билдирип чыкты.

Фонддун маалыматына боюнча учурда 137 мамлекеттик ишкана бар. Анын 26сы мамлекеттин карамагында калып, калганын учурда башкаруу жана ээлик кылуу түрлөрү тиешелүү министрликтер менен мекемелерде каралып жатат.

Тема:
Курчоого алынган "Ак-Кеме" мейманканасы (8)

Тема боюнча

"Ак-Кеме" мейманканасынын жаңы ээси "Мүлк" мамлекеттик ишканасы болду
"Ак-Кеме" алынгандан кийин кызматкерлери эмне болорун Маммүлк фонду түшүндүрдү
Белгилер:
мейманкана, "Ак-Кеме" мейманканасы, Мамлекеттик мүлктү башкаруу фонду

ЭҢ МААНИЛҮҮ