БИШКЕК, 18-июн. — Sputnik. Ош шаарында "Мээримдүү жүрөк" акциясы уланууда. Бул тууралуу Ош шаардык мэриясынын маалымат кызматы кабарлады.
Маалыматка ылайык, аталган кайрымдуулук акцияга Ош шаарынын мэриясынын өкүлү Замир Юсупов катышып, дүкөндөн алган азык-түлүктөрдү текчеге жайгаштырды.
"Ал жалпы шаар тургундарын, жеке ишкерлерди, саясатчыларды акцияга катышып, текчеге келип салым кошууга чакырды. Бул бей-бечаралардын үй-бүлөсүнө чоң жардам болот деген ишеничин билдирди",— деп жазылат маалыматта.
Кайрымдуулук акциясы ушул жылдын март айында башталып, анда шаардагы дүкөндөргө "Мээримдүү жүрөк" текчеси ачылган. Бул текчелерге каалоочулар колунда жокторго, муктаж болгон адамдарга тамак-аш, кийим-кечелерин коюп кетет.
"Мээримдүү жүрөк" текчелери шаардын соода түйүндөрүндө тогуз жерге жайгаштырылган.