БИШКЕК, 18-июн. — Sputnik. Бишкек шаарында жол коопсуздугу боюнча улуттук форум өтөт. Бул тууралуу уюштуруучулар билдирди.
Маалыматка ылайык, аталган форум 23-июнь күнү саат 10:00дө борбор калаадагы мейманканалардын биринде болот.
"Иш-чарада жол кооптуулугун жоюу боюнча сунуштар айтылып, өкмөт менен Жогорку Кеңештин бул багыттта жасай турган иштери талкууланат", — деп айтылган билдирүүдө.
Аталган форумду "Өнүгүү — Прогресс" фракциясы "Жол коопсуздугу" фонду менен биргеликте уюштурууда.