БИШКЕК, 9-июн. — Sputnik. Быйылкы туристтик сезон маалында элдин тынч эс алуусуна 3000 милиция кызматкери көз салат. Бул тууралуу Ички иштер министрлигинин маалымат кызматы билдирди.
Бүгүнкү күндө өлкө аймагында 329 куррорттук-ден соолукту чыңдоочу мекеме иштейт. Анын 31и балдар үчүн ылайыкташкан.
"Элдин массалык түрдө эс алган аймактарын 3000 милиция кызматкеринен тышкары элдик кошундун 800 өкүлү көзөмөлдөйт", — деп айтылат маалыматта.
Облустук ички иштер башкармалыгынын күчүн жана мүмкүнчүлүгүн координациялоо жана жол коопсуздугун сактоо максатында Бостери айылында күнү-түнү иштеген ыкчам штаб түзүлдү.
Мындан тышкары, маалыматта Кордай (Казакстан) — Бишкек, "Манас" аэропорту — Бишкек, Түндүк айланма жол — Бишкек, Бишкек — Балыкчы — Чолпон-Ата — Каракол унаа жолдоруна Кайгуул милициясынын көчмө посттору жайгаштырылганы айтылат.
Ысык-Көлдөгү пансионаттардын баасын жана картасын Sputnik Кыргызстан материалынан окуңуздар>>
