ТИМ Лондон терактысынан жабыркаган кыргызстандыктардын бар-жогун тактап жатат

© REUTERS / NEIL HALLЛондон шаарында 4-июнга караган түнү жасалган теракт
Лондон шаарында 4-июнга караган түнү жасалган теракт - Sputnik Кыргызстан
Жазылуу
Акыркы маалыматтарга караганда Улуу Британиядагы терактыдан жети киши каза тапкан.

БИШКЕК, 4-июн. — Sputnik. Кыргызстандын Тышкы иштер министрлиги Лондондогу терактыдан жабыркагандардын арасында кыргызстандыктардын бар-жогун тактап жатат. Бул туурасында аталган министрликтин расмий өкүлү Айымкан Кулукеева билдирди.

Эске салсак, Лондон шаарында 4-июнга караган түнү жасалган эки терактыдан жети адам каза таап, 50гө жакыны ооруканага түштү. Шаардын көпүрөсүндө жүргөндөрдү террорчулар башкарган кичи автобус тебелетип кетсе, ал эми Боро деп аталган базардын жанындагы адамдар да алардан бычак жеген.

Бул акыркы 2,5 ай ичинде Улуу Британияда жасалган үчүнчү теракты болду. Буга чейин эки ирет жасалган кол салуудан бир канча киши мерт кеткен.

Жаңылыктар түрмөгү
0