БИШКЕК, 18-май. — Sputnik. Венгрия сунуштаган гранттык орундар боюнча маалымат Билим берүү жана илим министрлигинин сайтына жана массалык маалымат каражаттарына жарыяланган. Бул тууралуу аталган министрликтин маалымат кызматы билдирди.
Ага ылайык, студенттерди тандоо үчүн атайын уюштуруу комитети түзүлүп, тандоо турун дал ошол комитет өткөргөн.
"Уюштуруу комитетине "Патриот KG" бирикмесинин өкүлдөрү жана жарандык коомдун активисттери кирип, окууга өтүү үчүн жалпысынан 118 адамдын кайрылуусу келип түшкөн", — деп жазылат маалыматта.
Министрлик тандоодо атайын талаптар коюлганын кошумчалады.
Эске сала кетсек, депутат Жанар Акаев Венгриядагы грантка Билим берүү жана илим министрлигинде иштегендердин жана депутаттардын балдарынын документтери жөнөтүлгөнүн айтып чыккан.
