Кыргызстанда биометрикалык паспорт 1-майдан тарта бериле баштайт

© Пресс-служба президента КР / Султан ДосалиевПрезидент Алмазбек Атамбаев принял Сооронбая Жээнбекова и Сапара Исакова
Президент Алмазбек Атамбаев принял Сооронбая Жээнбекова и Сапара Исакова - Sputnik Кыргызстан
Жазылуу
Кыргызстан Борбор Азияда биринчилердин болуп биометрикалык паспортко өткөн мамлекет болуп саналат.

БИШКЕК, 28-апр. — Sputnik. Кыргызстанда биометрикалык паспорт 1-майдан тарта бериле баштай турганын өкмөт башчы Сооронбай Жээнбеков президент Алмазбек Атамбаев менен жолукканда билдирди. Бул тууралуу өлкө башчынын маалымат кызматы билдирди.

КР жарандары биометрикалык паспортту 1-майдан 31-декабрга чейин акысыз ала алышат.

"Жаңы үлгүдөгү паспортту алуу убактысы эки эсеге кыскарып, арыз бергенден тарта 14 күн ичинде алууга болот", — деди Жээнбеков.

Биометрикалык паспорттор жаңы типтеги идентификациялык документ болуп саналып, эл аралык стандарттарга жооп берет. Бул Эл аралык жарандык авиациянын талаптарына төп келген жана жасалмалуулуктан сактай турган Борбор Азия регионунда биринчи электрондук паспорт болуп саналат.

1994-жылкы паспорт. Архив - Sputnik Кыргызстан
Эски паспортун алмаштыра албай калгандар эмне кылат? МКК түшүндүрмө берет
Атамбаев Кыргызстандын биометрикалык паспортко өтүүсүнүн башталышы – өлкөдө санарипке негизделген коомду түзүү ишинде зор мааниси бар маанилүү окуя болуп саналарын белгиледи.

Биометрикалык паспортто жаран жөнүндө 19 маалымат камтылып, электрондук форматта болгондуктан, паспорттун жарактуу мезгилинде маалыматтар өзгөрсө да, аны алмаштырбай пайдаланууга болот. Өзгөргөн маалыматтар автоматтык түрдө жаңылана берет. Идентификациялык карта анын ээсинин каалоосу боюнча көрүү мүмкүнчүлүгү чектелген адамдар үчүн Брайль шрифти менен тактилдик текстте болушу мүмкүн.

Биометрикалык паспортторду киргизүүгө зарыл болгон өкмөтүнүн бардык токтомдоруна премьер-министр Сооронбай Жээнбеков кол койгон.

Жаңылыктар түрмөгү
0