ФСБга кол салуу учурунда жаракат алган КР жаранына эки ирет операция жасалды

Жазылуу
Талант Жумаев учурда реанимация бөлүмүндө жатат.

БИШКЕК, 23-апр. — Sputnik. Россиянын Хабаровск аймагындагы Федералдык коопсуздук кызматынын имаратына чабуул жасалган учурда жаракат алган кыргызстандык Талант Жумаевге эки ирет операция жасалды. Бул тууралуу РИА Новости жазып чыкты.

Флаг США - Sputnik Кыргызстан
АКШда каза болгон кыргызстандыктын сөөгүн мекенине алып келүүгө ТИМ жардам берет
Белгилей кетсек, жума күнүн Россиянын Хабаровск аймагындагы ФСБнын имаратына бейтааныш адам кирип келип, ок чыгарган. Анын кесепетинен ФСБнын бир кызматкери менен мекемеге келген эки жарандын бири көз жумуп, экинчиси жаракат алган. Кол салган адам ошол жерден жок кылынган. Кийинчерээк жаракат алган адам кыргызстандын 37 жаштагы Талант Жумаев аттуу жараны экендиги аныкталган.

"Ишемби күнү экинчи операция жасалды. Абалы оор бойдон калууда. Учурда реанимацияда дарыгерлер көзөмөлдөп жатат", — деп билдиришкен ооруканадан.

Ал эми КРдин Хабаровск шаарындагы ардактуу консулу Кадырбек Мырзаев элчилик керектелчү жардамдын баарын көрсөтүүгө даяр экенин кошумчалады.

"Мен ооруканага барып, дарыгерлер менен сүйлөштүм. Талант реанимацияда болгондуктан өзүн көрө алган жокмун. Абалы жакшы эле. Буюрса палатага которулат", — деди Мырзаев.

ФСБнын мекемесинен ок жеп каза болгон жаран өзбекстандык экендиги аныкталды.

Жаңылыктар түрмөгү
0